airplanebooksbriefcase business cogs cross election entertainment fish house law lockmedicalpeopleselfservices socialtax

Angalasartunik ilinniartitsisunik marlunnik

AMN Ingerlatsivik angalasartunik ilinniartitsisussarsiorpoq

Kommune Kujalleq pikkorissunik marlunnik angalasartunik ilinniartitsisussarsiorpoq (rejselærer) 01. September 2020 imaluunniit isumaqatigiissuteqarnikkut atorfinittussanik. atorfiup sumi angerlarsimaffeqarnissaa atorfininnermi isumaqatigiissutigineqarsinnaavoq.
Kingusinnerpaamik ulloq:
30. juli 2020
Sumiiffik / immikkoortortaq:
Kommune Kujalleq
Ulloq sulilerfissaq:
1. september 2020
Aningaasarsiat:
Isumaqatigiissutit atuuttut naapertorlugit

Kommune Kujallermi illoqarfiit nunaqarfiillu 

Atuarfiit pingaarnerit pingasuupput taakku ataanni nunaqarfiit savaatilinni angerlarsimallutillu atuartisisartut inissisimapput. Atuartut ilinniartitsisullu tamarmik iPad-eqarput, atuarfiit atortorissaarput soorlu whiteboard aammalu iPad-it.  

 

Qinnuteqaateqartunut naatsersuutigisagut: 

  • Ilinniartitsisutut ilinniarsimasuunnissat
  • Atuartunut angajoqqaanullu pitsaasumik attaveqarsinnaasuunissat suleqateqarsinnaasuussasutillu
  • Atuartitsinermut aqutsillaqqissoq kiisalu suleqatigiligassannut suleqateqallaqqissuussasutit
  • Faaginik ataasiakkaanik amigaatitsinnik qaffassaaqataasinnaasoq
  • Dansk, Tuluttut Fysikkertitsisutullu fageqarnissat

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

Atorfininnermi atugassarititaasut

Naalakkersuisut aamma IMAK-ip, Meeqqat Atuarfianni ilinniartitsisut angalasartut (rejselærer) pillugit isumaqatigiissutaat 27. Marts 2015-imeersoq aamma Naalakkersuisut aamma IMAK-ip Pingaarnertut isumaqatigiissutaat 29. April 2019-imeersoq atorfinitsitaaninnut atortinneqassapput.

 

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut aningaasaateqarfik aqqutigalugu qinnuteqartarpoq.

 

Paasissutissat allat: Atorfinnut tunngassutilinnik paasissutissanik perusukkuit uunga saaffiginnissaatit: Ruth Jakobsen mail: ruja@kujalleq.gl tlf: +299 6454 61, kiisalu qinnuteqarnissamut immersugassamik perusukkuit uunga saaffiginnissaatit: mail: HR-afd@kujalleq.gl

 

Qinnuteqarnermut immersugassaq

Qinnuteqarnermi immersugassaq pinngitsoorani atorneqassaaq.

 

Qinnuteqaat ilinniarsimanermik uppernarsaammik, qanoq sivisutigisumik ilinniartitsisuusimanermik, oqaaseqaatit, paasissutissanik aallersinnaanissatsinnik akuersissummik ilaqartillugu nassiunneqassaaq uunga ima ilisarnaaserlugu: rejselærer

 

Qinnuteqaatit Kommune Kujallermiit kingusinnerpaamik 30. Juli 2020 tiguneqareersimassapput uungalu nassiunneqassalluni.


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq