airplanebooksbriefcase business cogs cross election entertainment fish house law lockmedicalpeopleselfservices socialtax

Narsami Innarluutilinnut isumaginninnermut siunnersorti

Kommune Kujallermi innarluutilinnut tunngasuni inunnik isumaginninnermut siunnersorti
ALLAGARSIUTEQQITAQ:

Kommune Kujalleq isumaginninninnermut siunnersortimik pikkorissumik tunniusimaartumillu aggustip ulluisa aallaqqaataani 2020-imi atorfinittussamik pisarsiorpugut imaluunniit isumaqatigiissuteqarnikkut. Atorfik Narsamiippoq.
Kingusinnerpaamik ulloq:
22. juli 2020
Sumiiffik / immikkoortortaq:
Narsaq
Ulloq sulilerfissaq:
1. august 2020
Aningaasarsiat:
Isumaqatigiissutit atuuttut naapertorlugit

Innarluutilinnut inatsit nutaaq najoqqutaralugu pitsaaanerusumik sullissinermi suliamullu tunngasutigut annerusumik pitsanngorsaanissaq Kommune Kujallermi kissaatigineqarpoq, taammaammallu isumaginninnermut siunnersortimik susassaqarfimmi kivitseqataalluarusuttumik pisariaqartitsivugut. Ingerlatsiviup qulakkiissavaa innuttaasunut annertuumik innarluutilinnut tunngatillugu sullissineq innarluutilinnut inatsit atuuttoq najoqqutaralugu ingerlanneqassasoq, aamma inunnut ataasiakkaanut tunngatillugu naliliinerit piviusut tunngavigalugit.

 

Naatsorsuutigaarput illit:

  • Inunnik isumaginninnermi bacheloritut - inunnik isumaginnittutut - inunnik isumaginninnermi akunnermiliuttutut ilinniarsimasuunissat.
  • Innarluutilinnut tunngasuni tamakkiisumik sullissinermik misilittagaqartutit, tamannali aalajangiisuunngilaq.
  • Pitsaasumik suleqatiginnissuseqartutit, susassaqarfiillu akimorlugit suliffeqarfiup iluaniittunik avataaneersunillu suleqateqarsinnaassasutit.
  • Allaffissornikkut aningaasaqarnikkullu suliassanik misilittagaqartutit.
  • Nammineq artorsaatiginagu inuunerisaq aallaavigalugu innuttaasunut pitsaasumik attaveqarniarnikkut akunniliullutilllu sulissussinermik piginnaaneqartutit.

 

Atorfiup imarisai ilaatigut makkuupput:

  • Innarluutilinnut tunngasuni sullissinerit malittarisassat atuuttut malillugit ingerlanneqarnissaat qulakkiissallugu.
  • Iliuusissatut pilersaarutinik suliarinninnerit.
  • Innuttaasup maannakkut pisumi pisariaqartitai aallaavigalugit ikiorsiissutit tunniunneqartarnerisa malinnaavigineqarnissaat.
  • Immikkoortortaqarfimmi suleqatigiinnissamik ineriartortitsinermillu pitsaasumik pilersitseqataassalluni eqeersimaartumillu peqataassalluni.

 

Inunnik isumaginnittoqarfik ilaatigut makkuninnga neqerooruteqarpoq:

Innarluutilinnut tunngasut utoqqalinersiuteqartunut tunngasunit avissaartinneqarput ineriartortinneqarlutillu, matumanilu qinnuteqartoq atorfimmut tulluuttoq sunniuteqarnissaminut, akisussaaffeqarnissaminut ineriartortitsinissaminullu sunniuteqassalluni periarfissaqarpoq, tamannalu pisinnaalluni ingammik suliassaqarfimmi qullersarisaq qaninnerpaaq suleqatillu pitsaasut qanimut suleqatigilluinnarnersigut. Sapaatip akunneranut akunnerit 40-t suliffiusarput. Pisariaqartitsineq najoqqutaralugu isumaginninnermut upalungaarsimasumik aggeqqusisarnermik aaqqissuussinermut peqataatinneqarsinnaaneq naatsorsuutigineqassaaq.

 

Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu meeqqanik pinerliisimannginnermut uppernarsaat kommunimit tiguneqareersimatinnagu sulineq aallartissinnaanngilaq. Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Akissarsiat atorfinitsitaanermilu atugassarititaasut, Kalaallit Nunaanni Namminersorlutik Oqartussani kommuninilu atorfilittut atorfiit immikkoortiterneqarnerat pillugit isumaqatigiissutit
atorfininnerup nalaani atuutsinneqartut naapertorlugit pissapput.

 

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.

 

Paasissutissat sukumiinerusut pissarsiarerusukkukkit isumaginninnermut siunnersortaanermut Jonna Isaksenimut saaffiginnissinnaavutit maili una aqqutigalugu: jois@kujaleq.gl imaluunniit suliami pisortamut Maline Lyberthimut mall@kujalleq.gl

 

Nittartagarput iserfigalugu kommune pillugu annertunerusumik atuagaqarsinnaavutit: www.kujalleq.gl

 

Qinnuteqaat Kommune Kujallermut kingusinnerpaamik juulip ulluisa 22-ianni 2020 nal. 12.00 tunniuneqareersimassaaq.

Qinnuteqaat, soraarummeersimanermut allagartat, oqaaseqaatit ilaallu ilanngullugit uunga nassiunneqassapput:

 

Kommune Kujalleq

Sulisoqarnermut Immikkoortortaqarfik

Postbox 541

3920Qaqortoq.

job@kujalleq.gl