airplanebooksbriefcase business cogs cross election entertainment fish house law lockmedicalpeopleselfservices socialtax

Overassistent Akiligassaleriviffimmi

Qaqortumi Akiligassaleriffimmi allaffimmiuuneq:

Allaffimmiuunerput nutaanik unammillernartunik pissarsiorpoq, taammaattumik Kommune Kujalleq aggustip ulluisa aallaqqaataani 2020 imaluunniit isumaqatigiissuteqarnikkut atorfinittussamik.pissarsiorpoq.
Kingusinnerpaamik ulloq:
24. juli 2020
Sumiiffik / immikkoortortaq:
Qaqortoq
Ulloq sulilerfissaq:
1. august 2020

Qaqortumi akiligassaleriffik naatsorsuuseriviup ataani inissisimavoq, aningaasaqarnermut immikkoortortaqarfik aaqqissuussaanikkut suliassaqarfinnut ukununnga agguataarsimavoq: akiligassaleriffik, akiligassalinnut immikkoortortaqarfik, naatsorsuuserivik kiisalu naatsorsuusiorfimmi immikkoortortaqarfik.

 

Akiligassaleriffittut naatsorsuusiorfik Qaqortumiippoq, ullumikkullu allaffimmiuunertut atorfiit pingasuupput.

 

Suliassat pingaarnerit makkuussapput: 

Kommunip Kalaallit Nunaanni Nunattalu avataani pisiortortarfiisa akiligassiissutitut nassiuttagaannik tamanik nalunaarsuineq, elektroniskimik akiligassiisutinik ingerlatsivinnut uppernarsaatitut, akiligassiissutitut, nakkutilliinermullu atugassatut nassiussuineq, GrønlandsBANKEN-ip inuussutissarsiortunik sullissiviatigut akilerneqartussanik piareersaaneq kiisalu naatsorsuuserineq kingusinnerusukkullu akiligassaqarfiup kontuani naligiissaarineq tamatumalu saniatigut kommunimi inuussutissarsiortut sullinneqartut nalunaarsorsimaffiannik nutarterineq.

 

Tamatuma saniatigut naatsorsuusiorfimmi suliassanngortartut allat suliarineqartarsinnaapput. Nalunaarsuineq naatsorsuuserinerlu Winformatik atorlugu ingerlasarpoq aamma naatsorsugassartai allattugassartaalu Windows 10-mi Excel kiisalu Words atorlugit suliarineqartarput.

 

Naatsorsuutigaarput atorfimmut atatillugu makku piginnaaffigissagitit:

  • Marluinnik oqaaseqartoq
  • Niuernermut allaffissornermullu ilinniarsimasoq, naatsorsuuserinermik paasisimasalik
  • Qarasaasiamik nalinginnaasumik atuisinnaassusilik
  • Inerisimassaatit nuannersumik eqqarsartariaaseqarlutit akisussaaffeqartuussallutillu
  • Nammineq sulisinnaassuseqassaatit peqqissaartuullutit suliassallu sukumiisumik suliarisinnaassallugit
  • Sungiussiasuusutit suleqatigiinnissamullu piginnaassuseqartutit.
  • Pisariaqartitsineq naapertorlugu suliassanik nutaanik tigusinissamut piumassusilik

 

Qinnuteqartoq atuagarsornikkut naatsorsuuserinermut ilinniarsimanermi saniatigut atorfimmi suliarineqartussanut uppernarsarneqarsinnaasumik misilittagalik salliutinneqassaaq. Piumasaqaatit taakku naammassisimagukkit immikkoortortami nuannersumi suliamut sunniuteqarluarfigisassani kommunip atorfimmik neqeroorfigisinnaavaatit.

Sulinngiffeqartoqartillugu, napparsimasoqartillugu allatigullu sulinngittoqartillugu immikkoortortami sulisut suliassatigut tamakkiisumik tapertareqatigiittarnissaat pingaartinneqaqaaq.

 

Naalakkersuisut kiisalu Sulinermik Inuussutissarsiuteqartut Kattuffiata niuernermi allaffissornermilu allaffimmiuunnertut sulineq pillugu isumaqatigiissutaat naapertorlugit akissarsiaqartitsisoqarlunilu atorfimmi atugassaqartitsisoqassaaq.

 

Atorfik pillugu annertunerusumik paasisaqarusukkuit oqarasuaat 64 53 30 aqqutigalugu Kommune Kujallermi aningaasaqarnermut pisortaq Kim Rosendahl e-mail kird@kujalleq.gl imaluunnit Lis Margrethe Larsen oqarasuaat 64 53 39 e-mail lism@kujalleq.gl aqqutigalugu attavigisinnaavatit.

 

Qinnuteqaat siusinnerusukkut suliffigisimasanit oqaaseqaatit ilinniakkallu pillugit paasissutissat, soraarummeersimanermilu uppernarsaatit assilineri il.il kommunimut kingusinnerpaamik ulloq juulip ulluisa 24-at 2020 kl. 12:00.

 

Qinnuteqaat uunga nassiunneqassaaq:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl