airplanebooksbriefcase business cogs cross election entertainment fish house law lockmedicalpeopleselfservices socialtax

Tasersuup atuarfiani ilinniartitsisut pingasut

Tasersuup Atuarfia pingasunik ilinniartitsisussarsiorpoq

Kommune Kujalleq Qaqortumi ilinniartitsisussarsiorpoq 01. August 2020 imaluunniit isumaqatigiissuteqarnikkut atorfinittussanik.
Kingusinnerpaamik ulloq:
17. juli 2020
Sumiiffik / immikkoortortaq:
Qaqortoq
Ulloq sulilerfissaq:
1. august 2020
Aningaasarsiat:
Isumaqatigiissutit atuuttut naapertorlugit

Kommune Kujallermi atuarfiit ineriartortitsinermik suliaqarnerat qitiuvoq. Angusat qaffassarlugit inerisaaneq aallarteruttorpoq. Ukiut arlalinngorput atuarfiit iPad-imik atuiffiulermata, taamaattumik IT-kkut ineriartornermut malinnaalluarpugut. Pikkorissunik ineriartortitseqataanissamut piukkunnarluinnartunillu ilinniartitsisussarsiorpugut.

Meeqqat siunissaat eqqarsaatigalugu angusaqartitserusukkuit inerisaanermut peqataarusullutit atorfissaqartippatsigit!

 

Nukarlerni angajullernilu, faagini inuiaqatigiilerineq, upperisalerineq pinngortitalerineq aammalu sumiiffimmi toqqakkat, Fysik, matematik timersornerlu, klasselærererilu 10a-ni

 

Nukarlerni Faagini tamaginni

 

Immikkut atuartitsivimmi, faagini tamaginni

Tasersuup Atuarfia

Tasersuup Atuarfiani ilinniartitsisut suleqatigiilluartut naapissavatit, atuarfitsinni immikkut marlunnik Kommune Kujalliup iPad konsulentii allaffeqarput, isumaginninnermut siunnersorteqarpoq suleqatigiinnut allanut ataqatigiissaarisumik atuarfimmilu qinngasaarineq angajoqqaanullu suleqateqarnermi nukittorsaasumik – aasamullu familieklassi aallartinneqartussaalluni. Ilinniartitsisut pikkoriffitik atorlugit ilinniartitsipput. Suleqatigiilluarneq nutaaliornerit Kommune Kujalliullu sulisuminni ineriartortitsinerat pikkorissarnerni malinniuttuartunik ataavartumik ingerlavoq. Kommune Kujalliup sulisuminut paaqqutarinninnermini kaffi tii sassaalliutigai ullut tamaasa, sap. Akunneranullu ullaakorsiortitsisarpoq. Taamatuttaaq atuartut immikkut pisariaqartitsisut ullut tamaasa ullaakut, akunniliinnermi nerineq ullup qeqqanullu nerisinnaallutik atuarfimmi.

Atuarfik immikkut maluginiarneqarsinnaavoq, angajoqqaanik suleqateqarneq ineriartortinneqartuarmat. Atuartitsineq iPad-imik atuiffittut immikkut sisamanik kivitsisa projekt suleqatigalugit mentoreqarpoq, atuartullu ilikkarusussusillit.

Atuarfimmut ineriartorfiusumut qinnuteqarit, tikilluaqquatsigit!

 

Qaqortoq illoqarfiuvoq kujataani illoqarfinni pingaarnersatut inissisimasoq, 3000 sinnerlugit inoqarpoq. Tasersuup atuarfia 430-nik atuartoqarpoq. Klassit 33-upput, taakkunani immikkut pisariaqartitsisut klassii ilanngullugit soorlu tungujortuaraq. Ilinniartitsisut atuartitsisut katillugit -upput. Pikkorissunik aqutsisoqarpoq misilittagallit, nutaanerumaallu. Trinnini sisamanik agguarnikunik allorfeqarpoq, perorsaanermi piorsaanermilu siunnersorteqarpoq nunaqarfinni angerlarsimaffinnilu atuartitsisunik soorlu savaateqarfinnut siunnersortaalluni, IT / iPad-lerisunik, skolekonsulentinik allanillu suleqateqarluarpugut.

Immikkut atuarfiup aqutarai atuareernerup kingorna orniffik aammalu elevhjemmi.

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik / pinerliisimannginnermilu uppernarsaat aalajangeeqataasussaavoq. 

 

Atorfinikkiartornermi angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut ukiut siulliit pingasut ukiut tamaasa feriefrirejseqassaaq, ukiullu pingasut qaanngiuppata ukioq allorlugu feriefondimut aaqqissussineq atuutilissalluni..

 

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Paasissutissat allat:

Atuarfiup pisortaanera Sarah Rødgaard e-mail: saro@kujalleq.gl oqarasuaat +299 64 50 34 / +299 49 23 87

 

Qinnuteqarnermut immersugassaq

Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

 

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu taamatuttaaq paasissutissiisinnaasumilluunniit suliffigisimasami saaffigeqqusinermi akuersissut nassiunneqassaaq uunga ima ilisarnaaserlugu: Ilinniartitsisutut atorfiit.

Qinnuteqaat atsioriigaq scannerlugu e-mailikkut uunga nassiunneqassaaq Qinnuteqaatit Kommune Kujallermiit tiguneqareersimassapput kingusinnerpaamik  17 Juli. 2020 nassiunneqassapput:


Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq