airplanebooksbriefcase business cogs cross election entertainment fish house law lockmedicalpeopleselfservices socialtax

Nanortalimmi Utoqqaat Illuannut Aqutsisussarsiorneq.

Septembarip 15-at 2020 aallarnerfigalugu imaluunniit isumaqatigiissuteqarnikkut atorfinittussamik Nanortalimmi utoqqaat illuannut aqutsisussarsiorpugut. Utoqqaat illuat 22-nik najugaqartoqarpoq. Inissat tallimat innuttaasunut puigortunngorsimasunut naatsorsuussaapput, tamatumalu saniatigut ini ataaseq qasuersaartarfittut atorneqarluni.
Kingusinnerpaamik ulloq:
14. august 2020
Sumiiffik / immikkoortortaq:
Nanortalik.
Ulloq sulilerfissaq:
15. september 2020
Aningaasarsiat:
Atuuttut Naapertorlugit.

Nanortalimmi utoqqaat illuannut aqutsisussarsiorneq

Septembarip 15-at 2020 aallarnerfigalugu imaluunniit isumaqatigiissuteqarnikkut atorfinittussamik Nanortalimmi utoqqaat illuannut aqutsisussarsiorpugut. Utoqqaat illuat 22-nik najugaqartoqarpoq. Inissat tallimat innuttaasunut puigortunngorsimasunut naatsorsuussaapput, tamatumalu saniatigut ini ataaseq qasuersaartarfittut atorneqarluni.

Utoqqaat illuat tamakkiisumik immikkoortuni pingasuni agguataarneqarnikuuvoq, marlunnillu aqutsisoqarluni. Aqutsisoq ataaseq paaqqutarineqarnissamut pisariaqartitsinerusuniippoq, aappaalu namminersornerusinnaasunut puigortunngorsimasunullu aqutsisuulluni. Igaffimmi, errorsisarfimmi/eqqiaanermi sulisut peqatigalugit aqutsisoq tamakkiisumik 31-inik suleqateqassaaq.

Suleqatit ima agguataarneqarput, socialassistenti, sundhedsmedhjælperi, sundhedshjælperi, socialhjælperi kiisalu ilinniarsimanngitsut. Suleqatigiit atorfimminni tunniusimasutut suleqatigiilluartutullu imminnut isigipput.

Aqutsisutut immikkoortoqarfinni aqutsisut peqatigalugit utoqqaat illuat assigiinngitsunik sammivilinnik suliaqarfiusup ingerlannissaa akisussaaffigissavat.  Utoqqaat angerlarsimaffigimmassuk utoqqaat illuanni aqutsisutut ersarissuunissat kiisalu aqutsinikkut, qanilaartumik sullissinikkut, suliamik ilisimasaqarnikkut ingerlalluarnikkullu siuttuunissat pingaaruteqarpoq.

Utoqqarnut tunngatillugu aqutsinikkut suliaqarnermi ineriartortitsineq aallunneqarpoq. Utoqqaat illuat angerlarsimaffiuvoq pissanganartoq, tassanilu immitsinnut inissaqartittuuvugut, najugaqartoq qitiutillugu sulilluta aamma tatiginassuseq, qanilaassuseq, isumassuineq, toqqissisimaneq, tusarnaarneq naleqartinneqarlutik inuunerissaarneq takuneqarsinnaallunilu malugineqarsinnaavoq.

Massakkut utoqqaat illuat nutarsarneqarpoq, naatsorsuutigineqarporlu aggustimi 2020-mi naammassineqassasoq.

Pissarsiorpugut:

  • Peqqinnissamut tunngasunik ilinniagalimmik imaluunniit peqqinnissaqarfiup iluani suliamut tunngasunut ilinniagaqaqqissimasoq.
  • Utoqqarnut tunngassutilinnut nalinginnaasunik sulianik misilittagaqarnissat aqutsinermilu misilittagaqarnissat.
  • Suleqatikkuminartuunissat, allannguinissamut ineriartortitsinissamullu piumassuseqartuunissat kissaatiginarpoq.                             
  • Nutaaliorsinnaassuseqassaatit nuannersumillu eqqarsassinnaassaatit.
  • Ilinniagalinnik ilinniagaqanngitsunillu suleqateqarsinnaassaatit.
  • Malinnaasinnaalluassasutit immikkoortortaqarfiillu akornanni suleqatigiinnermi ataqatigiissaarisuusinnaasutit.
  • Missingersuutinik aningaasaqarnermillu suliaqarsinnaassaatit.

Neqeroorutigaavut:

  • Innuttaaqatitsinnut utoqqarnut isumaginninnerup nukittorsarnissaanut ineriartortinnissaannullu periarfissiineq.
  • Ulluinnaat assigiinngiiaartut.
  • Aqutsisoqatinik isumasioqatigiinnissamut periarfissaqarluarneq.
  • Inuttut ilinniakatigullu inerisarnissamut periarfissagissaarneq.
  • Sulisunik kajumissuseqarluartunik pikkorissunillu suleqateqarnissamut periarfissaqarneq.

Aqutsisup toqqaannartumik utoqqarnut susassaqarfimmi pisortaq qullersarissavaa.  Atorfinitsitsineq qaammatini pingasuni misiliutaaqqaassaaq.

Atorfimmut sukumiinerusumik paasisaqarnerorusukkaanni ingerlatsinermut pisortaq Helga Kleist attavigineqassaaq uunga: heke@kujalleq.gl tlf 641356

Suliamulluunniit tunngatillugu sukumiinerusumik paasisaqarusukkaanni Naja Kriegel attavigineqarsinnaavoq uunga: njkr@kujalleq.gl tlf 541154 kontaktes.

 

Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Akissarsiat atorfinitsitaanermilu atugassarititaasut:
Namminersorlutik Oqartussat aamma kattuffiup isumaqatigiinniarsinnaatitaasup isumaqatigiissutaat sukkulluunniit atuuttut naapertorlugit akissaasersuisoqassaaq atorfinitsitaanermilu atugassaqartitsisoqarluni.

Atorfinitsitsineq qaammatini pingasuni misiliutaaqqaassaaq.

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il ilanngullugit uunga innersuussisoqarpoq: Ini A/S

Sulisunut inissiamik aatsaat innersuussisoqarsinnaanngorpat atorfinitsitsisoqarsinnaavoq. Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Qinnuteqaat.
Qinnuteqaat ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Ima qinnuteqassaatit:
Qinnuteqaat mailikkut uunnga nassiunneqassaaq: job@kujalleq.gl

Qinnuteqaat kingusinnerpaamik aggustip 14-anni 2020 kommunip tigoreersimassavaa

 

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq.

Mail: job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq