airplanebooksbriefcase business cogs cross election entertainment fish house law lockmedicalpeopleselfservices socialtax

Malakip Atuarfia Pisortassarsiorpoq ALLAGARSIUTEQQITAQ.

Tasiusami Malakip Atuarfia ilinniartitsisutut ilinniarsimasumik pisortassarsiorpoq 01. September 2020 atorfinittussamik isumaqatigiissuteqarnikkulluunniit.
Kingusinnerpaamik ulloq:
17. august 2020
Sumiiffik / immikkoortortaq:
Tasiusaq.
Ulloq sulilerfissaq:
1. september 2020
Aningaasarsiat:
Isumaqatigiissutit Atuuttut.

Malakip atuarfia pisortassarsiorpoq

ALLAGARSIUTEQQITAQ

 

Tasiusami Malakip Atuarfia ilinniartitsisutut ilinniarsimasumik pisortassarsiorpoq 01. September 2020 atorfinittussamik isumaqatigiissuteqarnikkulluunniit.

 

Malakip Atuarfia

Malakip Atuarfia tallimanik atuartoqarpoq marlunnillu ilinniartitssioqarluni.

 

Malakip Atuarfia Nanortallip Atuarfianut atasuuvoq. Tasiusaq nunaqarfik pinngortitami nuannerluinnartumiippoq angalaarfissaqqisorpassualik.

 

Qinnuteqaateqartumut naatsersuutigisagut: 

  • Atuarfeqarnermut inatsisartut inatsisaat nr.15, 3.dec. 2012-meersoq ilisimaarilluassagit
  • IMAK-ip professionsidealia ilisimaarilluassagit
  • Ilinniartitsisutut ilinniarsimasuunnissat
  • Atuartunut angajoqqaanullu pitsaasumik attaveqarsinnaassasutit suleqateqarluarsinnaassasutillu
  • Atuartitsinermut aqutsillaqqissuussaatit kiisalu suleqatigiligassannut suleqateqallaqqissoq

 

 

Pisortaasussaq kissaatigaarput:

  • Aqutsisinnaasoq, ilinniartitsisunut siunnersuillunilu aqqutissiuisinnaasoq nakkutilliisinnaasorlu.
  • Aningaasaqarnermik ilisimasalik, aningaasaqarnermik aqutsisinnaasoq
  • Anguniakkanut ingerlatsisinnaasoq, suliffeqarfiup iluani kikkunnut tamanut ataqqinnittoq

 

Pingaartipparput:

  • Suleqatiginnilluarsinnaassutit; angajoqqaanut, atuartunut, sulisunut allanut qullersarisanullu.

  • Paasissagit pisortatut atorfeqarninni akisussaaffiit suunersut
  • Pitsaasumik oqalunnikkut allannikkullu attaveqarsinnaassasutit
  • Ulluinnarni sulininni ilungersunartunik tamaviaarnartunillu aqqusaagaqartarsinnaaneq nukittuffigissagit
  • Sulisitsisunnut tatiginartuunissat
  • Kalaalisut qallunaatullu oqalussinnaassasutit taamaattorlu aqutsisinnaaneq pingaarnerpaassaaq.

 

 

Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 

 

 

 

 

Løn og ansættelsesvilkår

Isumaqatigiissutit atuuttut aallaavigalugit atorfinitsitsisoqassaaq.

 

Atorfininnermut atatillugu angalaneq

Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut ukiut siulliit pingasut ukiut tamaasa feriefrirejseqassaaq, ukiullu pingasut qaanngiuppata ukioq allorlugu feriefondimut aaqqissussineq atuutilissalluni.

Inissaqartitaaneq

Atorfinitsinneqanermut atatillugu inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.

 

Paasissutissat allat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit:

e-mail: job@kujalleq.gl imaluunniit Nanortallip Atuarfiata pisortaaneranut saaffiginnilluni Vivi Kleist e-mail: vikl@kujalleq.gl  oqarasuaat +299 61 40 10

 

Qinnuteqarnermut immersugassaq

Qinnuteqarfissaq pillugu soqutiginnilersimaguit, qinnuteqarfissaq hjemmesidemiittoq immersoriarlugu nassiussinnaavat imaluunniit qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.

Qinnuteqaat atsioriigaq scannerlugu e-mailikkut uunga nassiunneqarsinnaavoq Qinnuteqaatit Kommune Kujallermiit tiguneqareersimassapput kingusinnerpaamik 17. August 2020:

 

Kommune Kujalleq

HR-afdeling

Postboks 514

3920 Qaqortoq

job@kujalleq.gl

 

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqassaaq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”.