airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Kujallermi qimmeqarnermut qitsuuteqarnermullu ileqqoreqqusat pillugit tusarniaaneq

Teknikkeqarnermut Avatangiisinullu Ingerlatsiviup matumuuna ”Kommune Kujallermi qimmeqarnermut qitsuuteqarnermullu ileqqoreqqusat” pillugit tusarniaavoq.
11. september 2019
Ileqqoreqqusaq qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaat nr. 18, 30. oktober 1998-imeersumiit tunngaveqarpoq.

Ileqqoreqqusanut siullernut sanilliullugu, tulliani allassimasut qitiusumik allanngortinneqarput:
- kommune qimmeqarnermut qitsuuteqarnermullu akuersisarunnaarpoq, nalunaarsorneqartarnissaalli piumasaqaatigalugu
- ileqqoreqqusani qimminik qitsunnillu kinguaassiortitsinissamut periarfissiisoqarpoq
- ileqqoreqqusani piumasaqaatigineqarpoq qimmit qitsuillu angutivissat arnavissallu nakorsaatit imaluunniit pilatsinneq aqqutigalugit kinguaassiorsinnaajunnaartinneqartassasut
- qimmeq inunnut avatangiisinulluunniit ulorianartutut nalilerneqarpat kommune immikkut piumasaqaateqarsinnaatitaavoq
- qimmit tiguneqartut piginnittuisa akunnerit 72-it ingerlanneranni inuttarsineqanngippata toqunneqarsinnaapput imaluunniit soqutigineqarpata tunineqarsinnaallutik

Ileqqoreqqusaq uani takujuk

Tusarniaanermut akissuteqaat piaarnerpaamik tunniunneqassaaq, kingusinnerpaamillu oktobarip 23-anni 2019-imi.

Kommune Kujalliup akissuteqarnissamut killeritinneqartup qaangiutinnginnerani akissuteqaammik tigusaqanngikkuni, ilimagissavaa nassiunneqartunut oqaaseqaateqarnavianngitsutit.

Saqqummiunneqarfia:
11. septembari 2019

Tusarniaanermut piffissarititaq:
23. oktobari 2019

Tusarniaanermut akissuteqaatit uunga nassiunneqassapput:
teknik@kujalleq.gl