airplanebooksbriefcase business cogs cross election entertainment fish house law lockmedicalpeopleselfservices socialtax

Kujataani inukilliartorneq unitsinneqarpoq

4. marts 2020
Kommune Kujallermi Kommunalbestyrelsip innuttaasunik peqataatitsinerunera inukkilliartornerup unitsinneqarneranik malitseqartoq, Borgmester Kiista P. Isaksen isumaqarpoq.

Ukiuni kingullerni arlaqalersuni kujataani innuttaasut agguaqatigiissillugu ukiut tamaasa inunnik 100-nik ikilisarsimagaluartut maanna assiliaq aallanngortoq naatsorsueqqissaartarfiup kisitsisaataani kingullerni takuneqarsinnaavoq.

-Innuttaasut piffissami sivitsortumi ikiliartuinnalersimanerat iliuuseqarfiginiarlugu Kommunalbestyrelsimit innuttaasunik suleqateqarnerunissaq siunniunnikuuarput, tamannalu qujanartumik innuttaasunit peqataaffigilluarneqarpoq, Kiista P. Isaksen oqaluttuarpoq.

Kommunalbetyrelsimi innuttaasunik suleqateqarnerunissamik suliniuteqarneq inuttaasunik ataatsimiititsisarnernik aamma illoqarfinni tamani najukkami ataatsimiititalianik, inuussutissarsiornermut siunnersoqatigiinnik kiisalu Inuussutissarsiutinik Ineriartoritsiseqatigiiffimmik (Innovation South Greenland) pilersitsiviuvoq.

-Qinigaaffik una aallartimmalli kommunalbestyrelsimit kommune najugaqarfigissallugu toqqissisimanartoq ineriartorfiusorlu pilersinniarlugu innuttaasunik suleqatiserinnittarnerput tigulluarneqarsimavoq, innuttaasunimmi peqataatitsinerunitsinni maanna inukilliartorneq unitsipparput, borgmester Kiista P. Isaksen nuannaarluni oqarpoq.

Kommune Kujallermi innuttaasut marsip aallaqqaataani 6.413-iupput.