airplanebooksbriefcase business cogs cross election entertainment fish house law lockmedicalpeopleselfservices socialtax

Whistleblowerimik aaqqissuussaq atorneqalerpoq

Kommune Kujallermi sulisut unioqqutitsisoqarsimatillugu nalunaarfigisinnaasaannik aaqqissuussineq atorneqarsinnaanngorpoq
29. april 2020

Ukioq nutaaq aallarnerfigalugu Kommune Kujallermi whistleblowerimik aaqqissuussineq atuutsinneqalerpoq, aaqqissuussinerulli aallartinnissaanut app-ip atorneqartussap piareernissaa utaqqineqareersoq marsip naalernerani kommunimi sulisunut, kommunalbestyrelsimi ilaasortanut aamma kommunimi naatsorsuuserisunut periarfissaq nutaaq atorneqarsinnaanngorpoq.

- Aaqqissuussap atorneqarsinnaanngornera nuannaarutigaara, taamaalillunimi sulisut kikkulluunniit inatsisaatsuliortoqarnerannik allanilluunniit unioqqutitsisoqarnerannik paasisaqarunik toqqissisimallutik nalunaaruteqarsinnaanngorput, uneqqarissumimmi sullisinissaq suliffeqarfitsinni pingaartilluinnarparput, taamaammat aaqqissuussaq una pitsaasuuvoq, borgmester Kiista P. Isaksen oqarpoq.

Whistleblowerimik aaqqissuuussami inatsisitigut unioqqutitsinermi pasitsaassaqartoqartillugu pasinartoqarpat app-i atorlugu unnerluussisoqarsinnaavoq, unnerluussutaasorlu advokatit kommunimut attuumassuteqanngitsut nalilersortassavaat unnerluutigineqartoq advokatinit suliarineqarluni misissorneqassanersoq.

Unnerluutigineqartummi assersuutigalugu qinngasaarinermut, suleqatikkuminaatsumik suleqateqarnermut, sulinngitsoornernut assingusunulluunniit tunngasimappatta nassiussisoq uterfigineqassaaq pisortarisaminut imaluunnit Sulisoqarnermut Immikkoortortaqarfimmut saaffiginneqqullugu.

-Whistleblowerimik aaqqissuussap kommunitsinni atorneqarsinnaanngornissaa ukiup aallartisimalerneraniit utaqqisimasarput kiisami atorsinnaanngorpoq, neriuppungalu tamanna pisariaqarfimmini atorneqarluarumaartoq, tamannami suliffeqarfitsinni unneqqarissumik ingerlatsinitsinnut qulakkeerinneqataassammat, Kiista P. Isaksen naggasiivoq.

Kommune Kujallermi whistleblowerimik aaqqissuussamut Nuna Advokater suleqatigineqarput.