airplanebooksbriefcase business cogs cross election entertainment fish house law lockmedicalpeopleselfservices socialtax

Suliffissaaleqisutut nalunaarsorneqarneq

Nalinginnaasumik paasissutissiineq 

Pissutsit tamarmik ajunngikkaluarpata Kalaallit Nunaanni kikkut tamarmik sulinermikkut imminnut pilersorsinnaassagaluarput. Taamaattoq kikkut tamarmik suliffeqanngillat imaluunniit suliffissarsisinnaanngillat. Taamaanneranut pissutaasut assigiinngitsorpassuusinnaapput. Ilaatigut assersuutigalugu makkuninnga pissuteqarsinnaavoq:

  • Ilinniakkamik naammassinneqqammerputit
  • Soraarsitaavutit
  • Suliffimmi ajoqusersimavutit, ajoqusernerillu pissutigalugu tamakkiisumik sulisinnaanak
  • Soraarsimavutit
  • Ukiup ilaatigut sulisarputit
  • Suliffissaaleqigallarputit, assersuutigalugu tunisassianik amigaateqartoqarnera imaluunniit tunisassiornerup unitsinneqarnera pissutigalugu

Illit arlaannik pissuteqartumik suliffeqanngikkuit, piaarnerpaamik suliffissaaleqisutut nalunaarsorneqarnissat isumagissavat.

Nalunaarsorneqarneq
Najukkami Majoriamut imaluunniit nunaqarfigisanni nunaqarfiup allaffianut nalunaarsortikkiartussaatit.

Suliffissaaleqisutut nalunaarsorneqartillutit pisinnaatitaaffeqassaatit, assersuutigalugu:

  • Siunnersorneqarnissamut ilitsersuunneqarnissamullu
  • Immikkut iliuusissatut pilersaarutip suliarineqarnissaanut
  • Pisortanit aningaasatigut ikiorserneqarnissamut

Suliffissaaleqisutut ullormi suliffissaaleqiffiusumit siullermit nalunaarsorneqarsinnaavutit. Illit sapinngisamik piaartumik nalunaarsorneqarnissat soqutigisarissavat, tamatumani kingumoortumik atuutilersumik pisortat aningaasatigut ikiorsiisinnaanngimmata.

Majoriami sullissisut nipangiussimasussaatitaapput. Tamanna isumaqarpoq, sunaluunniit pillugu eqqartukkasi allanut ingerlateqqinneqarnavianngillat.

Nassatassatit
Suliffissaaleqisutut nalunaarsorneqarumallutit Majoriamut saaffiginneqqaarnermi uppernarsassavat suliffeqarnak. Nassassavatit:

  • Suliunnaarnermut imaluunniit angerlartitaanermut uppernarsaat
  • Qaammatini kingullerni pingasuni imaluunniit sapaatit akunnerini kingullerni 13-ini aningaasarsiavit allagartaat
  • Akileraarutinut allagartat
  • Kontonormu

Saaffiginnikkuit paasissutissiissutigissavat:

  • Inuup normua ilinnut atuuttoq
  • Najugarisat
  • Oqarasuaativit angallattakkap imaluunniit oqarasuaativit normua
  • Inuussutissarsiutitigut sunik misilittagaqarnersutit
  • Inuttut atugarisat allat, assersuutigalugu peqqissutsimut tunngasut

Majoriap paasissutissat atussavai illit pillutit iliuusissatut pilersaarusiornissamut aamma suliffeqanngikkallarnermi ikiorsiissutinik pisartagaqarsinnaanersutit nalilersinnaajumallugu kiisalu taakkuninnga pisartagaqarsinnaaguit qanoq annertutigisunik pisartagaqassanersutit.

Malugiuk
Nammineq pisuussutigalugu suliffissaaleqiguit, soraarsitaaguit imaluunniit suliffiit nammineq tunngavissaqarnat qimassimagukku, sapaatip akunnerini sisamani killilersuiffigisaalissaatit. Tamanna isumaqarpoq suliffissarsiortunut ikiorsiissutit affaannai ilinnut tunniunneqassasut. Killilersuiffigisaaneq pillugu “Suliffissarsiortunut ikiorsiissutit” iluanni allassimasoq atuaruk.

Suliffissarsiortutut nalunaarsoreernerup kingorna
Suliffissarsiortutut nalunaarsortereernerup kingorna, suliffissarsiortunut ikiorsiissutinik pisartagaqarsinnaalissaatit, taamaalillutit suliffissarsiornerit sapaatip akunneranut ataasiarlutit uppernarsartassavat, tamanut ammasumik suliffinnut nittartakkami il.il. aqqutigalugu. Ilanngullugu sulinermi misilittakkat, ilinniagaqarneq imaluunniit pikkorissarneq pillugit paasissutissiisumik suli.gl-imi CV-mik peqassaatit.

Aamma atuarsinnaasatit

Kommune Kujalleq
Postboks 514
3920 Qaqortoq
Oqarasuaat: 704 100
Fax: 704 177
E-mail: kommune@kujalleq.gl
Nittartagaq: www.kujalleq.gl

Isumaginninnermut, Ilaqutariinnut, Sulisoqarnermut Nunamullu Namminermut Naalakkersuisoqarfik
Imaneq 1A, 701
Postboks 970
3900 Nuuk

Oqarasuaat: (+299) 345000
E-mail: ISN@nanoq.gl