Nunat avannarliit Inunnik isumaginninneq pillugu nittartagaat
Nunat avannarliit Inunnik isumaginninneq pillugu nittartagaanni paasissutissat nunanut ataasiakkaanut tamanut tunngasut pissarsiarisinnaavatit, soorlu:
- Ilaqutariinnut ikiorsiissutit
- Soraarnerussutisiat
- Peqqissutsimut ikiorsiissutit
- Suliffissaqannginnermi ikiorsiissutit
Paasissutissat nunani avannarlerni oqaatsit atorneqartut arfineq-marluk atorlugit allanneqarsimapput kiisalu tuluttut oqaatsit atorneqarlutik.
Nunani Avannarlerni Inunnik isumaginninneq pillugu nittartagaq nassaarisinnaavat uani www.nordsoc.org.
Nunat Avannarliit ataatsimoorussamik akileraartarneq pillugu nittartagaat
Nunat Avannarliit ataatsimoorussamik akileraartarneq pillugu nittartagaanni, akileraartarneq pillugu paasissutissat nunanut ataasiakkaanut atuuttut tamakkiisut atuarsinnaavatit.
Nunat Avannarliit ataatsimoorussamik akileraartarneq pillugu nittartagaat nassaarisinnaavat uani www.nordisketax.net.
Hallo Norden
Hallo Norden tassaavoq Nunat Avannarliit Ministerråd-iisa paasissutissiinermut sullissiffiat. Hallo Norden-ip nittartagaani Nunani Avannarlerni najugaqarnermut, nuunnermut, sulinissamut aamma ilinniarnissamut paasissutissat nassaarisinnaavatit.
Hallo Norden-ip nittartagaani quppernerit nassaarisinnaavatit uani www.norden.org/hallo.