airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqamik ernumagisaqarneq aallaavigalugu isumaginnittoqarfiup pigaartuanut attaveqarneq

Isumaginnittoqarfiup pigaartua tassaavoq kommunimi pigaartoq kommunip ammasarfiata avataatigut innuttaasut siarngutaannik tigooqqaasartoq.

Meeqqamik ernumagisaqarneq aallaavigalugu isumaginnittoqarfiup pigaartuanut attaveqarneq 

Socialvagt - Nanortalik 537541
Socialvagt – Qaqortoq 493435
Socialvagt - Narsaq 497203

Paasissutissat nalinginnaasut 

avataatigut innuttaasut siarngutaannik tigooqqaasartoq.

Isumaginnittoqarfiup pigaartuata innuttaasut meeqqamik imaluunniit inuusuttup atugarisaanik ernummatilinnit saaffiginnissutit tigooqqartarpai.

Meeraq isumassorneqanngitsoq pasitsakkuit imaluunniit nalunngisaqaruit illit najukkanni isumaginnittoqarfiup pigaartuanut attaveqassaatit.

Isumaginnittoqarfiup pigaartuata suliassai 

Isumaginnittoqarfiup pigaartuata innuttaasunik meeraq imaluunniit inuusuttoq pillugu ernummateqarluni saaffiginnissutit suliassarai.

Isumaginnittoqarfiup pigaartuata makkua qulakkeertussaavai:

  • Meeraq/inuusuttoq ajunnginnersoq
  • Meeraq/inuusuttoq toqqissisimanartunik avatangiiseqarnersoq
  • Meeraq/ inuusuttoq kisimiinnginnersoq
  • Meeraq/ inuusuttoq persuttartissimannginnersoq
  • Meeraq/ inuusuttoq kinguaassiuummigut atornerlunneqarsimannginnersoq

Qaqugukkut isumaginnittoqarfiup pigaartua attavigisassaviuk? 

Meeraq imaluunniit inuusuttoq pillugu tassanngaannaq pasitsaasaqaruit imaluunniit ernummateqaleruit isumaginnittoqarfiup pigaartua attavigissavat.

Kommunit tamarmik isumaginnittoqarfiisa pigaartui ernummateqarnermi attavigineqarsinnaasunik oqarasuaateqartinneqartarput.
Kommunip ammasarfiisa avataatigut isumaginnittoqarfiup pigaartuanut attaveqarsinnaavutit.

Illit kommunerisanni najukkavit oqarasuaatai attavigineqarsinnaasut toorlugit takukkit

Ernummatigineqartoq pinartuussaaq. Tassa imaappoq; meeqqamik inuusuttumilluunniit sumiginnarneqartumik takusaqaruit, tusaasaqaruit imaluunniit pasitsaassaqaruit.
Pinartumik ernumaleriasaarneq qanoq paasisariaqarpa?
Pinartumik ernummateqalernerit makkuusinnaapput:

Meeraq inuusuttorluunniit paarineqarnerluttoq imaluunniit paarineqarnerlussimasoq.

  • Paarsinerlunneq tassaavoq: Paarsinissamik paaqqutarinninninnissamillu pisussaaffiup sumiginnangaatsiarneri.
    Paarsinerlunnerup nalinginnaasumik ersiutai makkuupput; meeraq nerisassaqanngitsoq, ipertusoq, eqqiluisaanngitsoq, kigutiluttoq aamma ukiup qanorilineranut naleqqutiginngitsunik atisaqartoq, soorlu ukiukkut oqorsaateqanngitsoq.
  • Persuttaanerit aamma siorasaarneqarnerit: Inuit arlaata meeraq imaluunniit inuusuttoq timaatigut persuttarsimagaa. Persuttartinnermut aamma siorasaartinnermut ilisarnaatit kimillannerusinnaapput aamma tungujornerusinnaapput, avatit nallugasinnaapput aamma taakkua pillugit naapertuutinngitsumik nassuiaanerusinnaapput.
    Aamma timikkut ersiuteqanngitsuusinnaapput meeraq qanilliumanngitsoq, inersimasunit meeqqanillu allanit tunuartertarluni imaluunniit aallaamanermut qanittuulluni, inuinnik allanik persuttaasartoq aamma sakkortuumik pissusilersortartoq.
  • Kinguaassiuutitigut atornerluineq: Inersimasoq iliuuseqarluni, meeraq alla imaluunniit inuusuttoq atoqatigiinnermi meeqqamik peqataatitsilluni atornerluisoq.
    Imaluunniit meeraq timaatigut, atisaqartoq imaluunniit atisaqanngitsoq, attuualaarinninnerusinnaavoq.
    Imaluunniit utsukkut, itikkut imaluunniit qanikkut atoqatiginiarneqarneq imaluunniit atoqateqarneq.
    Imaluunniit timikkut attuualaarinnani aamma kinguaassiuutinik atornerluisoqarsinnaavoq, soorlu meeraq inuusuttorluunniit atoqateqassasoq kajungissaarinninnerusinnaavoq, atoqatigiittunik aalasulianik isiginnaaqatigiinnerusinnaavoq, kannguttaatsuliortup pisariaqartitaanik sunniiniarnermi assilisinnerusinnaavoq imaluunniit aalasuliarineqarluni. Aamma kinguaassiuutinik atornerluineq ima pisinnaavoq; meeraq inuusuttorluunniit inuusuttumik imaluunniit inersimasumik tissarsartumik imminulluunniit atoqatiginninniarpalaartutut pissusilersortumik isiginnaartitsineq.

Aamma atuarsinnaasatit

Isumaginninnermut Aqutsisoqarfik
Postboks 1755
P.H. Lundsteensvej 2
3900 Nuuk

E-maili: iass@nanoq.gl
Oqarasuaat: (+299) 34 50 00
Ulluinnarni 09.00 - 16.00