airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqap ernummatiginera pillugu nalunaaruteqarit

Meeqqat tamarmik pisinnaatitaaffeqarput! Tamanna ilaatigut ima paasineqassaaq meeqqat toqqissisimasumik inuunermillu pitsaasumik inuuneqarnissaminnut, ikiorneqarnissaminunt aamma tusarnaarneqarnissaminnut pisinnaatitaaffeqartut.
Maana nalunaaruteqarit

Meeqqap ernummatiginera pillugu nalunaaruteqarit 

Socialvagt - Nanortalik 537541
Socialvagt – Qaqortoq 493435
Socialvagt - Narsaq 497203

Paasissutissat nalinginnaasut  

Meeqqat tamarmik pisinnaatitaaffeqarput!Tamanna ilaatigut ima paasineqassaaq meeqqat toqqissisimasumik inuunermillu pitsaasumik inuuneqarnissaminnut, ikiorneqarnissaminunt aamma tusarnaarneqarnissaminnut pisinnaatitaaffeqartut.

Innuttaaqataasutut tamatta meeqqat inuusuttullu ineriartornera, ingerlalluarnera peqqissusaalu qulakkeernissaat pisussaaffigaavut.

Meeqqap ineriartornera, ingerlalluarnera peqqissusaalu navianartorsiorpat illit/ilissi ernumassuteqaruit/-ssi imaluunniit pasitsaassaqaruit/-ssi illit/ ilissi pisussaaffeqarputit/-si kommunimut tamatuminnga nalunaaruteqarnissannut/-ssassinnut.

Nalunaarutiginninneq tassaavoq meeqqap imaluunniit inuusuttup ineriartorneranik ingerlalluarneranillu ernummateqarneq aallaavigalugu saaffiginninneq. Nalunaarutiginninneq suliamik ilisimasalimmiit imaluunniit innuttaasumit tunniunneqarsinnaasarpoq.

Meeqqat inuusuttulluunniit ernumanaatilimmik pissusilersortut, unioqqutitsilluni atuanngitsoortartut, isumassorneqanngitsut, persuttarneqarsimasutut imaluunniit kinguaassiuutimikkut atornerlunneqarsimasutut ilisarnaatillit pillugit nalunaarut imaqarsinnaavoq.

Nalunaaruteqarnissamut piumasaqaatit 

Innuttaasut tamarmik, innuttaasutut aamma sulianik ilisimasallit, meeqqap ineriartornera, ingerlalluarnera peqqissusaalu navianartorsiorneranik ernummateqarunik imaluunniit pasitsaassaqarunik nalunaaruteqartussaatitaapput.

Nalunaarutiginninnerup qanoq iluseqarnissaanik piumasaqaateqanngilaq.
Oqarasuaat atorlugu, allagaqarluni imaluunniit ornigulluni nalunaarutiginnittoqarsinnaavoq.

Pisortat suliffeqarfiutaanni sulisut aamma inuit pisortanik sullissisut pissutsinik ernumanaateqartunik ilisimannikkunik isumaginninnermik oqartussanut sakkortusisamik nalunaaruteqartussaatitaapput.

Illit nalunarutiginnittutut suliami peqataanngilatit. Tassa imaappoq kommunip meeqqamut ilaqutaanullu ikiorsiissutit imaluunniit tapersersuinerit sorliit toqqarsimanerai paasissutissanik tunineqartussaatitaanngilatit.

Attaveqaatitigut nalunaaruteqarnerit nassiunniarukku (MitID-eqaruit) 

Illit nalunaarutit digitali atorlugu nassiukkusukkukku, ”nalunaarut ugguuna” tuussavat.

Meeraq inuusuttorluunniit pillugu nalunaaruteqarniaruit pitsaasumik nassuiaalluartumillu oqaasertalersuinissat pingaaruteqarpoq.
Pissutsinik piviusunik aamma ersarissunik (takusimasatit, tusarsimasatit il.il.) sapinngisamik tunngaveqarlutit nalunaarusiussaatit.

Nammineerluni immersuiffissamut aaqqiissutissaq atorniarukku nammineerlutit MitID-risat atorlugu isissaatit.

Ornigullutit nalunaaruteqarnerit tunniukkiartorniarukku (MitID-eqanngikkuit) 

Nalunaarutivit tunniunneqarnissaanut kommunerisat/ isumaginnittoqarfik attavigiuk.

Suliamut ingerlatseriaaseq 

Kommuni nalunaarummik tigusaqaraangami qanoriliortarpa:

  • Illit meeraq inuusuttorluunniit kommunimut nalunaarutigisimagukku, kommunip nalunaarutip tigusimaneranik ullut arfineq-marluk suliffiusut iluini uppernarsaat ilinnut nassiutissavaa.
  • Kommuni meeraq ataaseq pillugu nalunaarummik tigusisimaguni, meeraq ilaqutaalu ikiortariaqarnersut misissuissaaq.
  • Kommuni arnamik naartusumik imaluunniit ilaqutariit meeqqanik 18-it inorlugit ukiulinnik meerartallit ikiortariaqarnerinik imaluunniit tapersersorneqartariaqarnerinik eqqumaffiginiassammagit nalunaaruteqarsinnaatitaaneq pilersinneqarnikuuvoq.
  • Kommunalbestyrelsi nalunaarummik tigusaqaruni akunnerit 24-t iluini isumaginninnikkut misissuititsinissamik tunngavissaqarnersoq aalajangiissaaq.
  • Kommuni iliuuseqartussaatitaavoq, tamanna ima paasineqassaaq; ernummatigineqartoq pillugu iliuuseqarnissaq kommunip akisussaaffigigaa.
  • Suliat nukiginnartuunngitsut pillugit kommunip nalunaarummik sapaatip akunnerit marluk tigusaqarnermi kingorna isumaginninnikkut misissuineq aallartissavaa.

Kinaassutsit isertuullugu nalunaaruteqassaguit 

Kinaassuseq isertuullugu sullissivik.gl digitali atorlugu nalunaaruteqartoqarsinnaanngilaq.

Periarfissaavorli kinaassuseq isertuullugu nalunaaruteqartarneq, kinaassutsit isertuunniarlugu nalunaaruteqarniaruit eqqumaffissat ataani takukkit:

  • Illit eqqumaffigissavat oqarasuaat atorlugu nalunaaruteqarniaruit, kommuni nalunaarsuiusussaatitaammat, taamaattumik kinaassutsit isertuunniarukku illit atit imaluunniit allat paasissutissat nalunaarutigissanngilatit.
  • Mail atorlugu nalunaaruteqarniaruit, qulakkiissavat mail atorlugu nassiussiffiginiakkat isertortuusoq, ateq aamma allat paasissutissat ersinnginnissaat.
  • Kinaassutsit isertuullugu nalunaaruteqaruit, nalunaarutip tinguneranut uppernarsaammik pissarsissanngilatit.

Piffissaliussat 

Nalunaaruteqarnissamut killiliisoqarnikuunngilaq.

Maalaaruteqarneq 

Illit nalunaaruteqartutut naammagittaalliorsinnaanngilatit.

Aamma atuarsinnaasatit

Isumaginninnermut Aqutsisoqarfik
Postboks 1755
P.H. Lundsteensvej 2
3900 Nuuk

E-maili: iass@nanoq.gl
Oqarasuaat: (+299) 34 50 00
Ulluinnarni 09.00 - 16.00