Ulluunerani angerlarsimaffimmi paarsineq

Ulluunerani angerlarsimaffimmi paarsisarfik 0-6 ukiulinnut neqeroorutaavoq, inuit angerlarsimaffianni imaluunniit pisortat suliffiutaani ingerlanneqartartoq. Ulluunerani angerlarsimaffimmini paarsisartoq 4-nik meeraateqarsinnaavoq. Taakkua saniatigut ulluunerani angerlarsimaffimmini paarsisartup nammineq meeqqani 6-it inorlugit ukiulik ataaseq paarsarisinnaavaa.

Ulluunerani angerlarsimaffimmi paarsisarfik kommunip meeqqanut neqeroorutaanut allanut ilaavoq, soorlu meeraaqqerivik meeqqerivillu. Tassa imaappoq ulluunerani angerlarsimaffimminni paarsisartut paaqqinnittarfinnut allanut piumasaqaatit malittarisassallu assingi malitassaraat.

Ulluunerani angerlarsimaffimmi paarsisut tamarmik atuisunut ataatsimiisitsisarput. Atuisunut ataatsimiisitsisarneq angajoqqaat tamarmik angerlarsimaffimmi paarsisartumiititalinnik, ulluuneranilu paarsisumik inuttaqarpoq, taannaavorlu illit angajoqqaatut meeqqavit ullup ingerlanissaa sunniuteqaqataaffigisinnaasat.

Nerisassat nangilluunniit illit isumagisussaanngilatit. Ulluunerani angerlarsimaffimmi paarsisartup isumagisussaavai aamma kommunimit isumagineqarsinnaapput.

 

Ulluunerani angerlarsimaffik paaqqinniffissaq akuersissutigineqaqqaartussaavoq. Tassa assersuutigalugu meeqqanut inissaqartariaqarpoq, kiisalu init meeqqat najugassaat eqqiluitsuusariaqarput pujortarfiunatillu.

Ulluunerani angerlarsimaffimmi paarsisussaq akuersissutigineqaqqaartussaavoq. Tassa ulluunerani angerlarsimaffimmi paarsisup meeqqat paarisani timikkut, tarnikkut inooqataanerisigullu toqqissisimatittussaavai.

Ulluunerani angerlarsimaffimmi paarsisuttaaq ilaqutai akuersissutigineqaqqaartussaapput. Assersuutigalugu inoqutigiit tamarmiullutik ukiuni kingullerni marlunni pinerluuteqarsimassanngillat. Kommunilli ataasiakkaat sakkortunerusunik maleruagassanik peqarsinnaapput. Inoqutigiillu tamarmiullutik, meeqqanik paarsisuinnaanngitsoq, nipangiussisussaatitaallutik. Tassa angerlarsimaffimmi paarsisoq ilaqutaaluunniit illit meeqqannullu tunngasunik inunnut allanut oqaluusereqqusaanngilaat.

Ulluunerani angerlarsimaffimmi paarsisartut ataavartumik nakkutigineqartarput.

 

Ulluunerani angerlarsimaffimmi paarsisut tamarmik atuisunut ataatsimiisitsisarput. Atuisunut ataatsimiisitsisarneq angajoqqaat tamarmik angerlarsimaffimmi paarsisartumiititalinnik, ulluuneranilu paarsisumik inuttaqarpoq, taannaavorlu illit angajoqqaatut meeqqavit ullup ingerlanissaa sunniuteqaqataaffigisinnaasat. Meeqqavit ulluunerani angerlarsimaffimmi paaritinneranut tunngasumik siunnersuutissaqaruit oqaluuserisassaateqaruilluunniit atuisunut ataatsimiisitsisoqarnerani eqqartorsinnaavatit.

Atuisunut ataatsimiisitsinermi angerlarsimaffimmi paarisartumi sammisassat piffissallu nerisarfiit pillugit aalajangeeqataasoqarsinnaavoq.

Meeqqat ulluunerani angerlarsimaffimmi paaritittartillugu atuisunut ataatsimiisitsisarneranni peqataasassaatit.

Atuisunut ataatsimiisitsisarnerat ukiumut ikinnerpaamik sisamaneriarluni ingerlanneqartassaaq. Ulluunerani angerlarsimaffimmi paarsisartoq ataatsimiinnissanut aggersaasassaaq.

 

Meeqqavit sumi ulluunerani angerlarsimaffimmi paarineqarnissaa kissaatigissallugu periarfissaqarputit.

Nittartakkatigut maana Sullissivik.gl-ikkut meeqqat ullukkut paaqqinnittarfimmut allatsissinnaavat.

Imminut sullissinnaaniaruit NemID pigeriissavat. NemID bankinnut atortakkat atorsinnaavat.

Imminut sullinniarlutit aallartigit

Najukkanni innuttaasunut sullissivimmut imaluunniit nunaqarfimmi kommunip allaffianut immersuiffissamik immersuinissamut, atsiornissamut tunniunnissaanullu aamma saaffiginnissallutit periarfissaqarputit. Saaffiginnikkuit makku nassassavatit:
• Meeqqavit ateqarneranut imaluunniit kuisinneranut allagartaa
• Najugarisassinnut uppernarsaat
• Ukiup kingulliup siuliani ilaqutariit imaluunniit inoqutigiit ukiumut isertitaasa uppernarsaataat. Uppernarsaatit meeqqavit meeqqerivimmiinneranut akiliisarnissamut naatsorsuinissamut atorneqassapput

 

Meeqqavit ulluunerani paaqqinnittarfia naammaginngikkukku naammagittaalliuuteqarnissannut pisinnaatitaaffeqarputit. Soorlu makkua naammagittaalliuutigisinnaavatit:
• Meeqqavit utaqqisut allattorsimaffianni inissisimanera
• Angerlarsimaffimmi paarsisussamik atorfinitsitsineq

Najukkanni kommunalbestyrelsimut naammagittaalliuuteqarsinnaavutit. Naammagittaalliuutit allagaassaaq, eqqaamajullu pappialat naammagittaalliuutinnut tunngassuteqartut ilanngutissagakkit.

Naammagittaalliuutivit kommunalbestyrelsimit aalajangiiffigineqarnera naammaginngikkukku Isumaginninnermi Naammagittaalliuuteqartarfimmut ingerlateqqissinnaavat.

Isumaginninnermi Naammagittaalliuuteqartarfimmut naammagittaalliuuteqarit

Kommunalbestyrelsip naammagittaalliuutinut allanut tunngasunut aalajangiineri naammaginngisatit oqartussaasunut allanut ingerlateqqissinnaanngilatit.

• Ulluunerani paaqqinnittarfiit - Inissiineq, anineq akiliisarnerlu
• Ulluunerani paaqqinnittarfiit
• Angajoqqaanik suleqateqarneq