airplanebooksbriefcase business cogs cross election entertainment fish house law lockmedicalpeopleselfservices socialtax

Nioqqutissanik eqqussuinermi akitsuutit

Nalinginnaasumik paasissutissiineq 

Nioqqutissanik eqqussuinermi akitsuutit tassaapput nioqqutissanik Kalaallit Nunaannut eqqussiguit akiligassatit. Akitsuutit tassaapput toqqaannanngitsumik akileraarutinik taaneqartartut.

Nioqqutissat ilaat eqqunneqarneranni akitsuusigassaapput. Allat akitsuusigaanngillat, ima paasillugu, nioqqutissat eqqunneqarnerini akilertariaqanngitsut. Aammattaaq nioqqutissaqarpoq eqquteqqusaanngitsunik.

Nioqqutissat akitsuuserneqartussaasut Kalaallit Nunaannut nassiussimagukkit, inuk nioqqutissanik tigusisoq tassaavoq eqqussinermi akitsuutinik akiliisussaq.

Kangerlussuarmi, Narsarsuarmi Kulusummilu eqqussanik nakkutilliisoqartarpoq.

 

Akigititat 

Nioqqutissat ilaat eqqunneqarneranni akitsuusigaapput, soorlu nerisassat. Akigititat takussutissami ‘Kalaallit Nunaannut eqqussinermi akitsuutit allattorsimaffianni’ takusinnaavatit.

Eqqussinermi akitsuutit allattorsimaffiat

Akiliineq 

Eqqussinermi akitsuut nassiussanik naammassinnittartumut imaluunniit Akileraartarnermut Aqutsisoqarfimmut akilissavat.

Namminersorlutit suliffiuteqaruit imigassanik tupanillu akileraarutitaqanngitsunut malittarisassat malillugit annertunerusunik eqqussiniaruit, Akileraartarnermut Aqutsisoqarfimmut eqqussisinnaanermik immikkut ittumik qinnuteqaqqaassaatit. Taamatullu akitsuutit akileriikkatit Akileraartarnermut Aqutsisoqarfimmut saaffiginninnikkut utertissinnaavatit.

Utertitsineq
Suliffeqarfinnut periarfissaavoq nioqqutissat kasiilerneqarsimappata, Namminersorlutik Oqartussat nalunaarutaat naapertorlugu utertitsinissamik qinnuteqarnissamut.

 

Nioqqutissat akileraaruteqanngitsut 

Nioqqutissat akileraaruteqanngitsut tassaapput nioqqutissat eqqussuinermi akitsuutinik akiliuteqarfigisariaqanngisatit. Kalaallit Nunaannut nioqqutissat suut aamma nioqqutissat ataasiakkaat qanoq amerlatigisut eqqussinnaaneritit pillugit ersarilluinnartunik maleruagassaqarpoq.

Nioqqutissat akileraaruteqanngitsut pillugit takussutissaq november 2019-imeersoq

Umiatsiat aamma umiatsianut kingoraartissamaatit eqqunneqarnerannut akitsuusiisoqarneq ajorpoq.

 

Nioqqutissat eqquteqqusaanngitsut 

Makku eqqunnissaat inerteqqutaavoq:

  • Motorcykelit
  • Ikiaroornartut
  • Iisartakkat nukkassaatit (doping)
  • Immiassat, sungarnitsussat (humle) akuutissallu allat angerlarsimaffimmi aalakoornartulinnik imigassaliornermi atorneqartartut
  • Nioqqutissat Cites pillugu maleruagassanut ilaasut

 

Immersuiffissaq 

TF10Afgifts-anmeldelse - for indførsel af afgiftspligtige varer i Grønland (danskisut kisimi allassimavoq)

Immersuiffissaq PDF-imiittoq tamakkiisumik atussagukku immersuiffigisinnaallugulu, Acrobat Reader atortariaqarpat. Programmip aanera akeqanngilaq.

Acrobat Reader aajuk

Inatsisit 

Nioqqutissanik eqqussuinermi akitsuutit pillugit inatsisit Akileraartarnermut Aqutsisoqarfiup nittartagaani takusinnaavatit.
Akileraartarnermut Aqutsisoqarfik - Qaqortoq
Havnevej B-1338
Postboks 521
3920 Qaqortoq

Oqarasuaat: 34 60 60
Fax: 31 16 77
E-mail: tax@nanoq.gl

Ammasarfii:
Ataasinngorneq: 10.00 - 15.00
Marlunngorneq: 10.00 - 15.00
Pingasunngorneq: MATOQQAVOQ
Sisamanngorneq: 10.00 - 17.00
Tallimanngorneq: 10.00 - 15.00
Akileraartarnermut Aqutsisoqarfik
Postboks 1605
3900 Nuuk

Oqarasuaat: 34 50 00
Fax: 32 20 42
E-mail: tax@nanoq.gl
Nittartagaq: www.aka.gl