airplanebooksbriefcase business cogs cross election entertainment fish house law lockmedicalpeopleselfservices socialtax

Ingerlaqqiffiusumik ilinniartitaanerit

Maana qinnuteqarit

Internet atorlugu qinnuteqassatilluni paasissutissat 

Internet atorlugu qinnuteqaateqassaatit, papilissat atorlugit qinnuteqarnissamut pdf-filimik aallertoqarsinnaajunnaarami.

Uku atussavatit

  • MitID
  • Pappilissat ilinniagarisimasamut tunngasut (meeqqat atuarfiannit karakterinut uppernarsaatit atuutinngillat)


Uku atussanngilasi

  • Kuisinnermut allagartaq
  • Najugaqarnermut uppernarsaat
  • Nunatsinni meeqqat atuarfiannit karakteriinut uppernarsaatit (karakterit tassaniitinneq ajorpavut 2006-imiit ullumikkumut pisortat paasissutissaasiviat)


Ilisimatusarfimmut qanoq qinnuteqassanersutit videomi takujuk

Nalinginnaasumik paasissutissiineq 

Ingerlaqqiffiusumik ilinniartitaanerit tassaapput ilinniarnissamut piareersarluni ilinniartitaanernit ingerlaqqiffiusut. Ingerlaqqiffiusumik ilinniartitaanerit sivikinnerusinnaapput, akunnattumik sivisussuseqarlutik imaluunniit sivisuujusinnaallutik.

Ilinniartitaanerit ingerlariaqqiffiusut sivikinnerusut assersuutigalugu Niuernermik Ilinniarfimmi Akademimut ilinniartitaanerusinnaapput (NI2), immikkut sammisassat assigiinngitsuullutik. Ilinniartitaanerit sivisussusaat ukiut marlunnit sivisunerpaamik pingasunik sivisussuseqarput.

Ilinniartitaanerit ingerlariaqqiffiusut akunnattumik sivisussusillit:
Professionsbacheloritut ilinniartitaanerit ukiut sisamat avillugit imaluunniit tallimat avillugit sivisussuseqartarput, ilinniartitaareernerullu kingorna professionbacheloritut imminnut taasinnaanngortarput. Ilinniartitaanerit arlallit suliffimmik misiliinertaqarput ukiup affaanit ukiut marluk avillugit sivisussuseqartunik, aammalu atuagarsornerup sulinerullu ataatsimoorneri ilinniartitaanernut amerlasuunut pingaaruteqarput.

Ilinniartitaaneq ingerlariaqqiffiusoq sivisooq nalinginnaasumik ukiuni tallimanit arfinillit tikillugit sivisussuseqartarpoq, agguataarneqarlunilu ukiuni pingasuni bachelorinngorniarneq sammineqartarluni ukiunilu marlunni kandidatinngorniarneq sammineqartarluni. Assigeequtigineqarpoq annerusumik atuagarsorluni ilinniartitaanerummata, ilisimatusarnermut misissueqqissaarnermullu attuumassuteqarlutik. Ilinniartitaanerit suliatigut siammasissumik itisiliinermillu paasisaqarnermik ataatsikkut tunniussaqartuupput.

Ilinnialerluni akuerineqarnissamut piumasaqaatit 

Ingerlaqqiffiusumik ilinniartitaanernut ilinnialerlutit akuerineqarumaguit, ilinnialerumalluni piareersaataasumik ilinniartitaaneq naammassillugu angusiffigisimasussaavat.

Tamatuma saniatigut soraarummiissutigisatut angusarisanni atuartitsissutinilu aalajangersimasut ilaanni agguaqatigiisitsineq aalajangersimasoq angusarisussaavat.

Atuartitsissutitut sammisat aamma agguaqatigiisitsinermi piumasaqaatit ilinniarfimmiit ilinniarfimmut nikerarput. Ilinnialerluni akuerineqarnissamut piumasaqaatit assigiinngitsut ilinniarfeqarfinni takuneqarsinnaapput, assersuutigalugu Ilisimatusarfiup nittartagaani. Aamma uani takusinnaavatit www.sunngu.gl.

Atuartitsissutitut sammisat aamma agguaqatigiisitsinermi piumasaqaatit paasiniarlugittaaq, ingerlaqqiffiusumik ilinniartitaanernut siunnersuisartoq attavigisinnaavat.

Qinnuteqarneq 

Ilinniakkamut immaqaluunniit ilinniagaqarnersiuteqarnissamut qinnuteqarusuppit, uuma quppernerup qulaaniittoq toortagaq sungaartoq “Maana qinnuteqarit” aqqutigalugu qinnuteqarit. Imminut sullinnissamut aaqqiissutit atorniarukkit, illit nammineq MitID-it pigisat isertaatitut atussavat.

Eqqaamallugu
qinnuteqaativit tigusineqarsimaneranut uppernarsaat toqqussagakku. Uppernarsaat e-mailimut qinnuteqaatinnut allassimasannut nassiunneqassaaq.

Malugiuk
Kollegiamut immikkut qinnuteqassaatit www.kaf.gl aqqutigalugu, Nuummi najugallit kollegiamik qinnuteqassapput Nuummi Majoriamut.


Qinnuteqarnissamut killissaliussat 

Ilinnialerluni akuerineqarniaraanni qinnuteqarnissamut 1. marts killiliussaavoq.

Majoriaq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Imaneq 4
Postboks 1029
3900 Nuuk

Oqarasuaat: (+299) 34 50 00
E-mail: ikin@nanoq.gl
Nittartagaq: www.naalakkersuisut.gl
Ilisimatusarfik
Manutooq 1
Postboks 1061
3905 Nuussuaq
Oqarasuaat: +299 38 56 00
Mail: mail@uni.gl
Nittartagaq: www.uni.gl