airplanebooksbriefcase business cogs cross election entertainment fish house law lockmedicalpeopleselfservices socialtax

Ilaquttatut qaniginerpaasaani napparsimaruluttoqartillugu toqukkulluunniit qimaguttoqartillugu akiliunneqarluni angalanissamut qinnuteqarit

Maana qinnuteqarit

Nalinginnaasumik paasissutissiineq 

Akiliunneqarluni angalaneq immikkut neqeroorutaavoq ilinniarnersiutisiaqaruit qinnutigineqarsinnaasoq.

  • Akiliunneqarluni angalanerit assigiinngitsut tassaapput:
  • Ilinniarnermik aallartitsineq ilinniarnermillu naammassinninneq
  • Ilinniakkamik taamaatitsineq taamaatitsigallarnerluunniit
  • ukiumut feeriamut/juullimut akiliunneqarluni angalaneq
  • Ernisimalluni sulinngiffeqarneq
  • Ilinniarnermut atatillugu najugaqarallarneq
  • Napparsimaneq ilaquttanillu qaninnernik toqusoorneq

Illit ilinniartutut piumasaqaatit naammassigukkit akiliunneqarlutit angalanernut assigiinngitsunut pisinnaatitaaffeqarputit.

Ilaquttap qanigisap napparsimarulunnera toquneraluunniit pissutigalugu akiliunneqarluni angalaneq tassaavoq akeqanngitsumik angalaneq ilinniartutut qinnutigisinnaasat.

Qinnuteqartunut piumasaqaatit 

Ilaquttap qanigisap napparsimarulunnera toquneraluunniit pissutigalugu akiliunneqarluni angalanissamut akuerineqassaguit:

  • Ilinniagaqarnersiutisiaqassaatit
  • Pisortanit ikiorsiissutisiaqassanngilatit

Ima pisoqartillugu angalanissamut akuerineqarsinnaavutit:

  • Ilaquttamik qanigisamik inuulluaqqusinissamut pinartumik napparsimaguit
    Iilaqutariit  qanigisat tassaapput: Nammineq meerarisat, katissimasat, angajoqqaat, qatanngutit, aanaa aataalu.
    Aappariit, ukioq ataaseq sinnerlugu najugaqatigiissimatutut uppernarsaasinnaasut, pisortanit katissimasutut isigineqartut.

  • Ilinniartup meeraa 18-it inorlugit ukiullip kinguaassiutitigut kannguttaatsuliorfigineqaqqammertillugu  – kannguttaatsuliorneq aallannginnermi uppernarsarneqassaaq.

  • Ilaquttamik qanigisamik toqusoorneq
    Kalaallit Nunaanni ilisiffiusumut, taanna najugaqarfigisamiinngippat, ilinniarfiusumullu utimut angalaneq
    Danmarkimi ikuallanneqarsimappat Nunatsinnilu ilisaassalluni ilinniartoq ilisinermut peqataanissamut akiliunneqarluni angalasinnaavoq, ikuallaanermuunngitsorli.

Malugiuk:
Ilinniagaqartoq toquppat, toqusup ilaquttat qanigisat najugaqarfiannut angallanneqarnera akilerneqassaaq.

Malugiuk – 18-it inorlugit ukiulinnik meeraqaruit ilinniariarninnut peqataasunik, taakku akiliunneqarlutik angalanissamut akuerineqarsinnaammata.

Akigititat 

Ilaquttap qanigisap napparsimarulunnera toquneraluunniit pissutigalugu akiliunneqarluni angalanissamut tassaavoq angalaneq akeqanngitsoq.

Attaveqaatitigut qinnuteqaatit nassiunniarukku (MitID-eqaruit) 

Ilaquttap qanigisap napparsimarulunnera toquneraluunniit pissutigalugu akiliunneqarluni angalanissaq qinnutiginiarukku qinnuteqaallu digitalinngorlugu nassiunniarukku, imminut sullinnissamut toortagaq sungaartoq ”Maana qinnnuteqarit” maani quppernermi qullermiittoq aqqutigalugu qinnuteqassaatit. Imminut sullinnissamut aaqqiissut taanna atulerukku, MitID pigisat atorlugu iserasuassaatit.

Qinnuteqaatinni ilanngussat makku kakkiutissavatit:

  • Kinguaassiutitigut kannguttaatsuliortoqarsimatillugu: Oqartussanit uppernarsaat (assersuutigalugu nakorsamit politiiniilluunniit)
  • Napparsimaruluttoqartillugu: Pineqartup ilaquttamut napparsimasumut inuulluaqqusiartoqquneqarneranut uppernarsaat
  • Toqusoqarsimatillugu: Toqusup allagartaa

Toortagaq sungaartoq "Maana qinnuteqarit" toorlugu digitalimik imminut sullinneq aallartissavat

Malugiuk:
MitID atorlugu iserasuarlutit qinnuteqaatit digitalinngorlugu nassiussinnaavat.

Ornigullutit qinnuteqaatit tunniukkiartorusukkukku (MitID-eqanngikkuit) 

Ilaquttap qanigisap napparsimarulunnera toquneraluunniit pissutigalugu akiliunneqarluni angalanissamut qinnuteqarniaruit qinnuteqaallu pappialanngorlugu tunniunniarukku qinnuteqarnissamut immersugassiaq immersussavat.
Toortagaq sungaartoq ”Maana qinnuteqarit” aqqutigalugu makku periarfissaraatit:

  • Immersugassaq interntsikkut immersorusukkukku anillatsillugulu ”immersoruk anillatsillugulu” toqqarsinnaavat (MitID pisariaqanngilaq)
  • Immersugassaq anillatsinniarukku assannillu immersorlugu ”Anillatsigut” toqqassavat (MitID pisariaqanngilaq).

Immersugassaq immersoreerukku ilinniarfigisannut tunniutissavat, ilinniarfigisat illoqarfimmi allamiippat, immersugassaq immersugaq Majoriamut tunniussinnaavat.

Qinnuteqaatinni makku ilanngussatut ilanngutissavatit:

  • Kinguaassiutitigut kannguttaatsuliortoqarsimatillugu: Oqartussanit uppernarsaat (assersuutigalugu nakorsamit politiinilluunniit)
  • Napparsimaruluttoqartillugu: Pineqartup ilaquttamut napparsimasumut inuulluaqqusiartoqquneqarneranut uppernarsaat
  • Toqusoqarsimatillugu: Toqusup allagartaa

Suliamut ingerlatseriaaseq 

Illit (ilinniartoq) ilaquttap qanigisap napparsimarulunnera toquneraluunniit pissutigalugu akiliunneqarluni angalanissamut qinnuteqarsimaguit, ilinniarfigisavit qinnuteqaat tigussavaa qinnuteqaatillu pillugu aalajangiissallutik.

Akuersinermi
Qinnuteqaatit akuerineqarpat, illit (ilinniartoq) tapiissutisinissamut nassuiaammik tigusaqassaatit.
tapiissutisinissamut nassuiaat tigugukku, illit (ilinniartoq) nammineerlutit angalatitsivigissat aqqutigalugu inniminniissaatit, taassumalu billetsissat inniminnissavaa.
Ilinniarfigisavit billetsissat akuerippagu, illit (ilinniartoq) angalanissamut pilersaarut tigussavat assingalu ilinniarfigisannut nassiunneqassalluni.

Itigartitsinermi
Qinnuteqaatit itigartinneqarsimappat, illit (ilinniartoq) naammagittaalliuteqarnissamut ilitsersuutitalimmik allagarsissaatit.

"Suliap suliarineqarnera pillugu nassuiaat" una toorlugu aasinnaavat

Piffissaliussat 

Ilaquttap qanigisap napparsimarulunnera toquneraluunniit pissutigalugu akiliunneqarluni angalanissamut qinnuteqarnissaq qaqugukkuunissaanik killeqanngilaq.

Maalaaruteqarneq 

Qinnuteqaatinnut atatillugu ilinniarfigisavit aalajangiissutaa pillugu naammagittaalliorsinnaavutit.

Naammagittaalliuteqarniaruit, aalajangiinerup kingorna sap. akunneri arfinillit qaanigutsinnagit naammagittaalliut nassiutissavat.
Naammagittaalliut mailimut uunga nassiutissavat: IKIN@nanoq.gl

Naammagittaalliutinni imaaliussaatit:

  • Aalajangiineq pillugu naammagittaalliutinnut pissutaasoq allassavat
  • Allagaatit attuumassuteqartut ilanngutissavatit, soorlu itigartitsinermut allagaq
Danmarkimi Kalaallit Illui

København (nunat tamani ilinniarnissamut siunnersuineq)
www.sumut.dk

Odense
www.dgh-odense.dk

Aarhus
www.groenlandskehus.dk

Aalborg
dgh-aalborg.dk

Ilinniagaqarnersiuteqartitsivik - USF
Postboks 1022
3900 Nuuk

E-mail: usf@nanoq.gl
Telefon: (+299) 34 50 00
Oqarasuaatit ammarsarfii: 10:00 - 14:00