airplanebooksbriefcase business cogs cross election entertainment fish house law lockmedicalpeopleselfservices socialtax

Akiuussutissamik kapitissimanermut uppernarsaammik noqqaassut

AKIUUSSUTISSAMIK KAPITISSIMANERMUT UPPERNARSAAT KALAALLIT NUNAATA ILUANI ATORNEQARNISSAA PIUMASAQAATAANNGILAQ
Akiuussutissamik kapitissimanermut uppernarsaammik noqqaassuteqarit

Paasissutissat nalinginnaasut 

Nunatsinnit aallarnissat pilersaarutigigukku Corona Allattoqarfianut COVID-19-imut akiuussutissamik kapitissimanermut uppernarsaammik qinnuteqarsinnaavutit.

Neqeroorut tamanna innuttaasunut siullermeertumik imaluunniit tamakkiisumik COVID-19-mut akiuussutissamik kapitissimanermik uppernarsarneqarnissaanik pisariaqartitsisunut tamanut atuuppoq, assersuutigalugu Danmarkimiinnermi.

Akiuussutissamik kapitissimanermut uppernarsaammik paasissutissat uku paasissutissiissutigineqassapput:

  • Aqqit
  • Inuttut normut
  • Qasseriarlutit kapitissimanersutit aammalu
  • Akiuussutissamik kapitissimanermut killiffik kiisalu ilaatigut PCR-imik misissuiffigineqarsimanitit

Kalaallit Nunaanni akiuussutissamik kapitissimanermut uppernarsaatinut tunngatillugu, nunat assigiinngitsut akornanni oqartussaasunit akuerisamik ataavartumik aaqqiissuteqartoqarsinnaaneranik misissueqqissaarnissaq ingerlanneqaleruttorpoq. Taamannak aaqqiissuteqartoqarnissaata tungaanut akiuussutissamik kapitissimanermut uppernarsaammik tunniussisoqarsinnaassaaq.

Piumasaqaatit 

Covid-19-imut akiuussutissamik kapitereeruit, akiuussutissamik kapitissimanermut uppernarsaammik tunineqarnissannut noqqaassuteqarsinnaavutit.

Akiuussutissamik kapitissimanngikkuit Danmarkimilu coronapas-imik imaluunniit misissuiffigitissimanermut uppernarsaammik piumasaqaatitalinni, sammisassaqartitsinnut isersinnaanngorusukkuit, taava Danmarkimi misissortissinnaavutit. Uppernarsaariaaseq taamaattoq misiligummit tigusiffigitereernermiit akunnerni 72-ini atuuttarpoq.

Akigititat 

Akiuussutissamik kapitissimanermut uppernarsaat akeqanngilaq.

Akiuussutissamik kapitissimanermik uppernarsaammik noqqaassuteqarneq 

Akiuussutissamik kapitissimanermut uppernarsaammik noqqaaniaruit immersugassamik immersuissaatit.
Taamaaliussaatit tuugassaq sungaartoq ”Maana toqqaagit” toorlugu.

Akiuussutissamik kapitissimanermut uppernarsaammik noqqaassutivit nassiunnerani, Corona pillugu Allattoqarfiup inuttut paasissutissat ilinnut tunngasut suliarinissaanut akuersissaatit, tassani ilaapput peqqissutsimut paasissutissat ilinnut tunngasut.

Akiuussutissamik kapitissimanermut uppernarsaatip suliarinerani, inuttut paasissutissat ilinnut tunngasut taamaallaat pisariaqartinneqartut atorneqassapput.

Corona pillugu Allattoqarfiup inuttut normut, aqqit aamma akiuussutissamik kapitissimanermut uppernarsaat suliarissavai.

Suliamut ingerlatseriaaseq 

Corona pillugu Allattoqarfik akiuussutissamik kapitissimanermut uppernarsaammik tunniussisuussaaq.

Naatsorsuutigineqarpoq ullut suliffiusut qulit iluanni noqqaassutip suliarineqarnera ingerlanneqassasoq.

Akiuussutissamik kapitissimanermut uppernarsaat e-Boks-innut PDF-itut nassiunneqassaaq.
Una toorlugu e-Boks pillugu ilitsersuut atuaruk

Uppernarsaat aariarlugu anillatsinnissaa isumassarsiatsialaavoq, takuteqquneqaraangat takutissinnaajuaannarniassagakku.

Corona pillugu Allattoqarfik
Imaneq 4
3900 Nuuk

Email: Corona@nanoq.gl
Oqarasuaat: +299 80 11 00
Nittartagaq: www.corona.nun.gl