airplanebooksbriefcase business cogs cross election entertainment fish house law lockmedicalpeopleselfservices socialtax

Kommunimut pilersaarusiorneq

Kommunimut pilersaarutikkut siunertarineqartoq tassaavoq kommunimi ineriartorneq pilersillugulu ilusilersussallugu.

Kommunimut pilersaarut kommunimi ataatsimut ineriartornermut toqqammaviliisuuvoq. Anguniakkat aaqqissugaanerullu pingaarnerup saniatigut kommunip akisussaaffiini assigiinngitsuni ineriartornermi anguniakkanik pingaarnernik imaqarpoq: inuussutissarsiutitigut ineriartorneq aammalu suliffissaqartitsineq, inissialiortiterneq, isumaginninnermi tunngasut, kulturi sunngiffillu, atuartitsineq paarsinerlu aammalu pilersuineq avatangiisillu.

Kommunimi nunaminertanut aalajangersakkat aalajangersimasut "Illoqarfiit nunaqarfiillu" aammalu "Asimi nuna"-p immikkoortortaani assigiinngitsuni takuneqarsinnaapput. Kommunimut pilersaarut nunaminertanik atugassanngortitsisarnermut tunngasunik, paasissutissat tunuliaqutaasunik aammalu pilersaarummut tunngasunik allanik imaqarpoq.

 

Kommunimut pilersaarut atuuttoq 

Kommune Kujallermi kommunimut pilersaarut uani takuuk

Kommune Kujallermi kommunalbestyrelsip februaarip 13-ianni 2017-imi ataatsimiinnermini 2017-imiit 2028-imut kommunimut pilersaarut akuersissutigaa. Kommunimut pilersaarutip akuersissutigineqarnissaa sioqqullugu 2017-2028-imi kommunimut pilersaarutissatut siunnersuutip imarisai pillugit innuttaasut oqallitsinneqartarput.

Siunnersuut sapaatit akunnerini qulini tamanut tusarniaassutigineqarmat innuttaasut, inuussutissarsiortut suliffeqarfii kikkullu ineriartornermut soqutiginnittut tamarmik oqaaseqarsinnaatitaapput, siunnersuuteqarsinnaatitaallutik akerliliisinnaatitaallutilu, taakkulu kommunimut pilersaarutip suliarineqarneranut ilanngunneqarput.

Kommunimut pilersaarut pillugit apeqqutit nassiunneqarsinnaapput uunga: teknik@kujalleq.gl