Kommune Kujallermi kommunip suliassaanik aqutsinermut ileqqoreqqusaq

§ 1. Kommunalbestyrelse 15-inik ilaasortaqarpoq.

Imm. 2. Kommunalbestyrelse inatsisartut peqqussutaanni nr. 22 18. november 2010-meersumi § 6, imm. 4 naapertorlugu (tulliuttuni aqutsinermut inatsimmik taaneqartartussaq) ilaasortami akornanni borgmesterimik, tullissaanik siullermik aappaanillu toqqaassaaq.

§ 2. Kommunalbestyrelsip ataatsimiinnissaanut piareersaanermut, aggersaanermut, ataatsimiinnerup ingerlanneqarneranut kommunalbestyrelsillu ataatsimiinnerinut allanut malittarisassat kommunalbestyrelsip suleriaasiani aqutsinermi inatsimmi § 1, imm. 3, aammattaaq §§ 8 – 16 naapertorlugit aalajangersarneqartarput.

§ 3. Kommunalbestyrelsip ataatsimiinnerani borgmesterip suliassaanut malittarisassat suleriaatsimi aqutsinermut inatsimmi §§ 17 – 23 naapertorlugit aalajangersarneqartarput.


Ataatsimiititaliat pilersinneqarneri taakkulu ingerlanneqarnerinut assigisaannullu malittarisassat nalinginnaasut.

§ 4. Aqutsinermut inatsimmi § 24 naapertorlugu aningaasaqarnermut ineriartortitsinermullu ataatsimiititaliaq pilersinneqassaaq.

Imm. 2. Aningaasaqarnermut ineriartortitsinermullu ataatsimiititaliami ilaasortaapput borgmesteri, aammattaaq ataatsimiititaliami ataatsimiititaliamut siulittaasuutigisoq, kiisalu kommunalbestyrelsimi ilaasortat sisamat

Stk. 3. Aningaasaqarnermut ineriartortitsinermullu ataatsimiititaliap aqutsinermut inatsimmi § 25 naapertorlugu suliassat ingerlatarivai:

1) Kommunip iluani suliassaqarfinni tamani aningaasaqarnikkut allaffissornikkullu ingerlatsinermi nakkutilliisuuneq. Suliap kommunalbestyrelsimut aalajangiiffigisassanngorlugu saqqummiunneqannginnerani suliani taakkunani aningaasaqarnermut ataatsimiititaliap oqaaseqaataa piumaneqartassaaq.
2) Akissarsianut sulisoqarnermullu tunngasuni suliassanik tamakkiisumik isumaginninneq, tassunga ilaallutik kommunimi sulisorisanik atorfinititsisarneq soraarsitsisarnerlu, taamaallaat kommunip pisortaaneranik atorfinititsisarneq soraarsitsisarnerlu pinnagit, suliaq taanna kommunalbestyrelsimit isumagineqartussaammat.
3) Suliat kommunip aningaasaqarneranut naatsorsuuserineranullu attuumassuteqartut.
4) Aningaasaqarneq pillugu ingerlatsinermut atatillugu tunngaviusussanik maleruagassiorneq, ataatsimiititaliat ataavartut kommunalbestyrelsimut inassuteqartarneranni pituttuisumik maleruarneqartussanik.
5) Aningaasaqarnermut ataatsimiititaliap ataqatigiissaassalluguluunniit kommunip immikkoortunut pilersaarusiornera isumagissavaa, ataatsimut atorneqartussanik pilersaarusiornermut maleruagassiornermigut paasissutissallu qanoq annertussuseqarnissaannut aalajangersaanermigut.

Imm 4. Aningaasaqarnermut ineriartortitsinermullu ataatsimiititaliap aammattaaq aatsitassanut angallannermullu tunngasut, kommunimi pilersaarusiornerit aammalu inatsisartut inatsisaat naapertorlugu imigassanik aalakoornartortalinnik nioqquteqartarneq sassaallertarnerlu pillugit akuersissutit nalunaarutigineqarneri isumagisarai.

Imm. 5. Aningaasaqarnermut ineriartortitsinermullu ataatsimiititaliap suleriaasissani nammineq aalajanersartarpaa.

Ataatsimiititaliat aalajangersimasut makku pilersinneqassapput:

1) Atuarfeqarnermut, Ulluunerani Paaqqinnittarfeqarnermut Nutaaliornermullu Ataatsimiititaliaq, tallimanik ilaasortaqartoq
2) Kulturimut, Sunngiffimmut Pinaveersaartitsinermullu Ataatsimiititaliaq, tallimanik ilaasortaqartoq
3) Inuussutissarsiornermut Suliffissaqartitsiniarnermullu Ataatsimiititaliaq, tallimanik ilaasortaqartoq
4) Teknikkimut Avatangiisimullu Ataatsimiititaliaq, tallimanik ilaasortaqartoq
5) Isumaginninnermut Ataatsimiititaliaq, tallimanik ilaasortaqartoq.

Imm. 2. Aqutsinermut inatsimmi § 27 naapertorlugu ataatsimiititaliat namminneq siulittaasussartik toqqartarpaat.

Imm. 3. Ataatsimiititaliat namminneq suleriaasissartik aalajangersartarpaat.


§ 6. Atuarfeqarnermut, Ulluunerani Paaqqinnittarfeqarnermut Nutaaliornermullu Ataatsimiititaliap atuarfeqarfiup, paaqqinnittarfiit taakkunanilu nutaaliornissamut suliniutit ingerlanneqarneri isumagisarai aammattaaq meeqqanut inuusuttunullu tunngasuni suliat isumagalugit.

Imm. 2. Kulturimut, Sunngiffimmut Pinaveersaartitsinermullu ataatsimiititaliap kulturip, sunngiffiup pinaveersaartitsinerup kiisalu aaqqissuussaanermut aningaasaliissutit atornissaasa ingerlanneqarneri isumagisarai

Imm. 3. Inuussutissarsiornermut Suliffissaqartitsiniarnermullu Ataatsimiititaliap inuussutissarsiorneq suliffissaqartitsiniarnerlu toqqaannartumik akisussaaffigissavai.

Imm 4. Teknikkeqarnermut Avatangiisinullu Ataatsimiititaliap teknikkimut, sanaartornermut avatangiisinullu tunngasut toqqaannartumik akisussaaffigissavai.

Imm. 5. Isumaginninnermut Ataatsimiititaliap isumaginninneq, pinaveersaartitsineq peqqinnissamullu tunngasut toqqaannartumik akusussaaffigissavai.

§ 7. Aappilattumi, Narsarmijini Tasiusamilu nunaqarfimmi aqutsisut pingasunik ilaasortaqarput.
Alluitsup Paani Ammassivimmilu nunaqarfimmi aqutsisut pingasunik ilaasortaqarput.
Saarlumi, Eqalugaarsunni Qassimiunilu nunaqarfimmi aqutsisut pingasunik ilaasortaqarput.
Igalikumi, Qassiarsummi, Narsarsuarmi Vatnaverfimilu nunaqarfimmi aqutsisut pingasunik ilaasortaqarput.

Imm. 2. Aqutsinermut inatsimmi § 51, imm. 3 naapertorlugu nunaqarfimmi aqutsisut namminneq siulittaasussartik toqqartarpaat.

Imm. 3. Nunaqarfiit aqutsisui ataasiakkaat tusarniaavigineqareernerisa kingorna kommunalbestyrelsip kommunip nunaqarfiinut suleriaasissaq aalajangersartarpaa.

§ 8 Aqutsinermut inatsimmi § 52 naapertorlugu nunaqarfimmi aqutsisut ataatsimiinnissaannut piareersaanermut, aggersaanermut, ataatsimiinnerup ingerlanneqarneranut, ilaatigut tassunga atatillugu nunaqarfiup aqutsisuisa siulittaasuata suliassai nunaqarfiup aqutsisuisa suleriusissaani aalajangersarneqassapput.



§ 9 Kommunalbestyrelsip suliassat suut nunaqarfiit aqutsisuinut ataasiakkaanut tunniunneqassanersut aqutsinermut ileqqoreqqusamut ilanngussakkut aalajangersartarpaa.
Imm. 2.Kommunalbestyrelsip missingersuutit akuerisimasai najoqqutassatullu aalajangersarsimasai sinaakkutaralugit ingerlatsineq pissaaq.


§ 10 Nunaqarfinni aqutsisut ingerlataat kommunalbestyrelsip nakkutigisarai.


Ileqqoreqqusani allannguutit

§ 11. Aqutsinermut ileqqoreqqusanut siunnersuutit aammattaaq ileqqoreqqusani allanngutit kommunalbestyrelsip ataatsimiinnerini marluusuni suliarineqartassapput, aqutsinermut inatsimmi § 1, imm. 2 naapertorlugu ataatsimiinnerit marluusut minnerpaamik ullunik 14-inik akuttussuseqassapput.


Atortuulersitsineq


§ 12. Aqutsinermut ileqqoreqqusat uku kommunalbestyrelsip ileqqoreqqusanik aappassaaneerinnereernerata kingorna ulluinnarmi siullermi atuutilissaaq, taamaattorli imm. 2 najoqqutaralugu.

Stk. 2. Taanna ilutigalugu aqutsinermut ileqqoreqqusaq maajip ulluisa aallaqqaat 2017-imeersoq atorunnaarsinneqarpoq

Taamaalilluni oktobarip 16-ianni 2017 kommunalbestyrelsip ataatsimiinnerani siullermeerneqarpoq kommunalbestyrelsillu novembarip 22-anni 2017-imi ataatsimiinnerani akuerineqarluni.