Sullissinermi qinnuteqartoqarneranit akissuteqartoqarnissaanut piffissaliussat

Inatsisartut inatsisaat nr.13 12.juni 2019-meersoq, innunnut innarluutilinnut tapersiisarneq pillugu § 22 immikkortoq 2, kiisalu Namminersorlutilk oqartussat nalunaarutaat nr. 29 7.august 2020-meersoq aamma nalunaarut nr.19 4.novembber 2019-meersoq naapertorlugit, Kommune Kujalleq pisussaaffeqarpoq, inunnut innarluutilinnut tapersiinissamut kiffartuussinermini, suliani inatsisitigut aalajangiiffigisassaasuni, suliat qanoq sivisutigisumik ingerlanneqartarnissaanut takussusiissalluni.
Piffissaliussat innuttaasunnut kikkunnulluunnit takusassianngorlugit saqqumiunneqassasut, aammalu ukiut marlukkaarlugit piffissaliussat nalilersoqqillugit nalimmassarneqartassasut.
Piffissaliussat siulliit Isumaginninnermut, Pinaveersaartitsimut Ilaqutariinnullu ataatsimiititaliamit maj qaammataani 2023 ataatsimiinnerminni akuersissutigaat.
Paasinarsisippagu piffissaliussap iluani aalajaangiinissaq angumeqqunneqarsinnaassanngitsoq, kommune kujalleq pisussaaffeqarpoq tamanna innuttaasumut imaluunniit taassuma inatsisitigut sinniisuutitarisaa allakkatigut nalunaarfigissalugu, aalajanngiissamut missaliuussinissaq nutaaq qaqugu naatsorsuutigineqarsinnaanersoq.
Piffissaliunneqartut pillugit, imaluunniit inunnut innarluutilinnut tapersersiisarneq pillugu annertunerusumik siunnersuinermik ilitsersuinermillu siunertalimmik paasisaqarusukkaanni sumiiffinni Isumaginninnermut allaffiit saaffigineqarsinnaapput.