Sisamanngornermi maajip aallaqqaataani kommunalbestyrelsi nutaaq ivertinneqaqqammersoq Qaqortumi angajoqqaat meeqqerivimmiittuutillit pitsaanersusumik atugaqarnissaq oqariartuutigalugu akerliussutsimik takutitsillutik kommunip allaffiata silataanut katersuupput.
-Nuannaarutigaara oqariartuuteqarlusi taamatut takutitsinersi, meeqqeriveqarfinni pissutsit qanoq inissisimanerat misissorlugu sulilluta aallartinnissatsinnut pitsanngorsaanissatsinnullu qilanaarpunga, qujanaq maanga aggerlusi oqariartuuteqarnissinnut, Borgmesteri Malene Vahl Rasmussen akerliussutsimik takutitsisunut ilaatigut taama oqarpoq.
Borgmesteri akerliussutsimik takutitsisunut oqaaseqareermat kommunalbestyrelsimi ilaasortanngorlaat angajoqqaallu ataatsimoorlutik erinarsoqatigiipput.