Saliineq naammassiniarlugu sumiiffiit ilaat, soorlu Akilliit aamma Robert Krusep eqqaa annertuumik salitassaammata nammineq kajumissutsiminnik suliaqartut kaammattuutigaat nunaqqataasut saliinermut peqataaqqullugit.
Akillerni aamma Robert Krusep eqqaani pigisalinnut, illuaratilinnullu atuuttumik, juunip aallaqqaataa tikitsinnagu piginnittut pigisatik inaalereersimassavaat. Taamaaliorneqanngitsut toqqaannartumik eqqarneqassapput, soorlu angallatikut, qassutikut il.il.
Inissiani najugallit aammalu illuinnarni najugallit sumiiffimminni saliinissaat aamma kaammattuutigineqarpoq.
Atortussanik, soorlu nivaatanik Kommunesjakimiit atortoqarsinnaavoq.
Juunip aallaqqaataa nallertinnagu illoqarfiup kusatsinnissaa anguniarparput, taamaattumik ulloq taaneqartoq nallertinnagu salitassat naammassineqarniarput.
Nammineq kajumissutsiminnik suliaqartut sinnerlugit, Susanne Lynge