Qimagaasut ilaqutaasullu artornaqisumik nalaataqartut tamaasa eqqarsaatinni misiginneqatiginningaarlunga najorpakka. Pisup alianartup tamatta attorpaatigut - inuiaqatigiinnguuvugut, inuunermillu annaasaqartoqaraangat tamatta misigisarparput. Uummatitsigut aliasoqaagut.
Pisut ilungersunaraluartut kajumissutsiminnik ujaaseqataasut qamannga qutsaviginiarpakka. Suliarsi - imaani nunamilu - ataqatigiinnermut akisussaaqataanermullu inuiaqatigiiusugut ilisarnaatigisatsinnut takussutissaavoq imaannaanngitsoq.
Aamma qutsavigingaarpavut politiit, upalungaarsimasut, sakkortuumik nalaataqarnermut upalungaarsimasut peqqinnissaqarfillu, pisumi artornartumi angisuumik tunniusimalluarlutillu sulisimasut.
Ullumi aliasuttugut amerlaqaagut. Borgmesteritut kikkut tamaasa ikioqatigiinnissaannik kajumissaarpakka - ammaritsi, najuutigitsi aammalu aliasunneq pisup sakkortuup nassataa inissaqartissiuk.
Ajunaartut eqqaaneqarnerat ataqqinartuuli,
Malene Vahl Rasmussen
Borgmester, Kommune Kujalleq