· Imaatigut angalanermi siunnersuutit pitsaasut tassaapput:
1. Aallannginninni qanigisat/ikinngutit imaluunniit suleqatit aallarninnik naatsorsuutillu malillugit tikinnissavit piffissaanik ilisimatitsigit. Immaqalu qassinik ilaasoqarninnik paasititsillutit. Tikiffissannut apuukkuit qanigisat/ikinngutit suleqatilluunniit tikinninnik ilisimatitsigit.
2. Eqqaamallugu angallatini tamani eqqortumik angissusilinnik akuerisaasunillu issimasunut tamanut naammattunik puttaqutinik annanniuteqassammat.
3. "Ikinngutigiilluartut imminnut paarisarput" - Ikinngutit qanigisalluunniit imigassartorsimatillugu angalaniarpat uneqqujuk. Angallataata matuersaataanik tigusisinnaatitaavutit, tamannali iluatsinngikkukku politiit attavigikkit.
4. VHF-Radio ajoquteqannginnissaa isumagiuk, ajutoortoqartillugu Kanal 16 aqqutigalugu kalerrisaarissaatit. Angallatit akornanni attaveqaqatigiinnerit Kanal 8 aqqutigalugu pisarpoq.
5. Sunngiffimmi angallatini 24 meterit sinnerlugit takissusilinni
isumannaallisaanermut piumasaqaatit pillugit nalunaarummi misissuisoqartariaqarpoq. Pingaartumik § 4 aamma 5:
6. Tassunga atatillugu ” Angallatit motoorimik ingerlatillit innuttat namminneq pigisaat imigassartorsimatilluni Kalaallit Nunaata imartaani ingerlanneqartarnerat pillugu nalunaarut” misissorluarneqartariaqarpoq. Pingaartumik § 29A.
7. TAMATIGUT silasioqqaartarit - YR.no atorneqarsinnaavoq mobilikkullu app-inngorlugu aaneqarsinnaalluni. Sila allanngorartorujussuusinnaasarpoq, pinngortitallu nukingi ataqqineqartariaqarput. Umiatsiarnissami silap qanoq issusaanut tulluartunik naammattunik tulluartunillu angallatip atortorissaaruteqarnissaa qulakkeertuaannaruk.
8. Imaatigut sillimaniarnermut umiatsiarnermulluunniit tunngatillugu apeqqutissaqarnermi Narsami politiit oqarasuaammut 58 55 23-mut sianertoqarsinnaavoq.