Septembarip 24-anni kommunalbestyrelsip ataatsimiinnerani Aputsiaq Egedep kommunalbestyrelsimit tunuarniuteqarnera ilaasortanit akuerineqarpoq, ilaasortarlu nutaaq ivertinneqarpoq.
-Piffissami sivikkikkaluartumi Aputsiap suleqatigineranut nuannersumut pissarsiaqarfiulluartumullu qutsavigingaarpara, tunuarniuteqarnerali ataqqillugu siniisussaa Poul Erik Petersen kommunalbestyrelsimut tikilluaqqungaarpara, borgmesteri Malene Vahl Rasmussen oqarpoq.
Aputsiaq Egedep (S) uani qinigaaffimmi 44-nik qinerneqarluni ilaasortanngortup tunuarnerani Aningaasaqarnermut Inuussutissarsiornermullu Ataatsimiititaliami aamma Pinaveersaartitsinermut, Kulturimut Sungiffimmullu Ataatsimiititaliami ilaasortaaffii, Poul Erik Petersenip (S) ilaasortaaffigilerpai.