Borgmesteritut tulluusimaarpunga peqatigiilluta maanna tassunga killikkatta. Kommune Kujallermi ukiorpassuarni attaveqaatitigut ingerlariaqqinnissamik suliniuteqarsimavugut ineriartornerup ingerlariaqqinnissaa anguniarlugu.
Itisuumi umiarsualivik ullutsinnut naleqquttoq najukkami inuussutissarsiortunut, kisianni aamma nunat tamalaat akornanni suleqatinut ineriartorluarnissamut tunngaviliisuussaaq.
Umiarsualivik aalisarnermut attaveqaatinullu pitsanngorsaataaginnarani aningaasaliiffiusinnaasunut nutaanut periarfissiissaaq, tassa takornariartitsinermut, inuussutissarsiutinut inunnik sullissiviusunut kiisalu suliniutinut siammasissunut kujataanut tamarmut iluaqutaasussanut.
Oqaloqatigiinnerit nangillugit ingerlannissaannut, kiisalu ataatsimoorluta periarfissanik pilersitsinissaq pillugu eqqartueqatigiinnissamut qilanaarpugut.
Umiarsualiviup nutaap Kommune Kujallermi - Nunatsinnilumi tamarmi - patajaatsumik, attanneqarsinnaasumik siunissamullu isumannaakkamik ineriartulernissamut toqqammaviunissaa ataatsimoorluta qularnaarsinnaavarput.
Malene Vahl Rasmussen
Borgmesteri, Kommune Kujalleq.