Containeri eqqumiitsuliorfik angalatitaq nunatsinni naggataasumik takutinneqassaaq
ANERSAAQ / ANDI / ÅND – spirit of place –
eqqumiitsuliortoqatigiinnik Tura Ya Moyamit suliarineqartoq Qaqortumut pivoq Qaqortumilu katersugaasivik peqatigalugu pisussanut ukununnga qaaqqusivugut:
31.3 - 9.4. taarsineraniit ulluni 10-ni assit seqersitat nipitallit Qaqortup katersugaasiviata eqqaani illooqannginnersami takusarneqarsinnaavoq, ammaanersiorneqassaaq 31.3. nal. 19:30, nal 20:30 Vilhelm Lyngep Erinarsoqatigiivi aamma angutit erinarsoqatigiit Saqqaarsuk tusarnaartitsissapput.
Qaqortup Katersortarfiani tusarnaartitsisoqassaaq 8.4. nal. 19
tusarnaartitsissapput Qilaatersortartoq Silbat Kuitse (Kuummiut), Klarinetertartoq Karen Thastum (DK / Berlin) nipilersuutinillu assigiinngitsunik atuisoq Udo Erdenreich (Berlin)
Eqqumiitsuliat nunanit avannarlernit nunatsinneersunillu assit seqersittakkat containerip angalatilerneqarneraaniit maannamut suliarineqarsimasunik Saqqummersitsineq Qaqortumi katersugaasiviup illuutaasa ilaanni B27-imi 31.3. - 30.4. takutinneqassooq marlunngorneq – tallimanngorneq sapaallu nal. 13-17 aamma 20-22.
Eqqumiitsuliortut nipilersortartullu Qaqortumi meeqqanik inuusuttunillu naapitsinissaat
Aaqqissuusami peqataassapput nipilersortartut, eqqumiitsuliortut meeqqat inuusuttullu nunanit avannarlernit nunatsinneersullu eqqumiitsulianik containerip angalatinneqarnerani isorartoqisumi tikinneqarsimasunik assigiinngitsuneersut. Aammattaaq Qaqortumi inuusuttut titartakkaminnik ilanngussinissamut qaaqquneqarput. Silbat Kuitse qilaatersornemik sammisaqartitsissooq. Takuuk: www.anersaaq.com
Containereq 20 foditut annertussusilik eqqumiitsuliornermi misileraavik
Eqqumiitsulianik aaqqissuussap pilersitsisorivaa eqqumiitsuliortoqatigiit TURA YA MOYA danskinik, kalaallinik tyskinillu ingerlanneqartoq (www.turayamoya.de) Taanna 1989-iilli sumiiffinni aalajangersimasuni assinik seqersittakkanik nipitalinnik suliaqartarsimavoq Europami og nunatsinnilu (soorlu aaqqissuusaq NIPI & QAAMASOQ SAGA ) Uku aningaasaliineratigut KNN, NAPA, Eimskip, Nunafonden, Sermeqfonden il.il. containereq nalinginnaasoq 20 foditut angitigisoq eqqumitsuliornermi misileraavittut seqersitvittullu suliarineqarsimavoq.
Angallavik isorartooq
Aaqqissuussaq Anersaaq Nuummi Katuami oktober 2016-imi misigineqarsinnaasoq 12-inik immikkoortoqarpoq illoqarfinnut nunaqarfinnullu Skandinaviami nunatsinnilu12-inik amerlanernik tikeraarnernit takusassalinnik. Containeri 20 foditut annertussusilik Qaqortumut apuukkiartoruni tikiffigereersimassavi Norgimi Islandimilu piffiit 6-it nunatsinni 8-t: Tasiilaq, Kulusuk, Nuuk, Qaqertarsuitisaat, Arsuk, Paamiut kingullersaralugulu Qaanaq.
Qaqortoq immikkoortut 10-ssaraat Qaqortup illoqarfittut ikinngutaa 2017-imilu Europami kulturikkut illoqarfiit pingaarnersarisaat Aarhus peqatigalugu suliarinearpoq. 2018-imi containeri Berlinemut ingerlateqqinneqassaaq.
Nunat avannarliit nunattalu sumiiffittut anersaavat
Aaqqissuussap tikiffii tamarmik immikkoorluinnartuullutik ataatsimoorutigaat immakkut attaveqaateqarnertik, nunasiaasimanermik oqaluttuassartatik eqqumiitsuliortaatsitoq-qatsillu. Inuusuttut sinnattuinik ulluinnarnilu atugaanik takullatsiakkat titartakkat allaatalu suleqatigiisitsinikkut aaqqissuusap angalatinnerani pilersitat saniatigut aaqqissuussap angalatinneqarnerani oqaluttuaq katersugaasivippassuarni aaqqissuussap suleqatigisimasaanit pissarsiat assit nipillu taartumi takutitsinernut isumassarsititsisisuupput. Taamaalilluni ANERSAAP sumiiffinni uagullu oqaluttuassatsinnik paarlaaseqatigiinneruvoq.
ANERSAAP EQQUMIITSULIORTUI: assilialiortut: Mia Lindenhann (GL), Jeanette Land Schou (DK), Maria Gradin (S), Harald Bodøgaard (N), Anders Sunna (S), Julia Pars (GL), Kristin Renyjarsdottir (IS), Virdris (IS) nipilersortut: Silbat Kuitse (GL), Udo Erdenreich (D), Navarana (GL) Karen Thastum (DK) Assinik nipinillu eqqumiitsuliortoq, aaqqissuussamillu aqutsisoq angalavigisimasamilu summiiffini tamani inuusuttut.
Ammaanersiornissamut tikilluarit 31.3. nal 19:30, nal 20:30 Vilhelm Lyngep Erinarsoqatigiivi angutillu erinarsoqatigiivi tusarnaartitsissapput Qaqortumi Katersugaasiviup B27-ip eqqaani illoqannginnersami.
Kaffillertoqassaaq Berlinimeersunik sukkulaatilinnik.
Eqqumiitsuliortut: Silbat Kuitse (Kuummiut), Karen Thastum (DK / Berlin) Udo Erdenreich (Berlin) teknikerilu Per Elbke ammaanersiornermi peqataassapput
mail: karenthastum@hotmail.com
tlf 28.3-miit: 274720
www.anersaaq.com