Pujoq alikkaqqammisoq seqerngullu nuinerata nalaani sinersortaat Black Watch Skotlandimi Fred. Olsen Line-meersoq inunnik 600-nik ilaasoqarluni, ullaap tungaani aggustusip pingajuanni Nanortalimmut tulappoq.
Nanortallip Katersugaasiviani qaannamik umiamillu takutitsisoqarpoq. Nanortalik Tourism peqatigiiffilerisullu katersugaasiviup atortui atorlugit angallatinik amermik sanaanik qanorlu atortussiaaneri pillugit saqqummersitsipput.
Takutitsinermi kusanartumi assiliiviit isiginnaartorpassuarnit atorneqarluarput qaannamillu kinngusaqattaartoqaraangat ersaattaattut amerlasaqalutik.