Matumuuna nalunaarutigineqarpoq Nanortalimmi anorisaatit napparnissaannut Kommunip pilersaarusiorfigineqarnerani tapiliussaq nr. 3 maajip 22-anni 2019-imi kommunalbestyrelsimit inaarutaasumik akuersissutigineqarmat.
Siunnersuut piffissami 2019-imi marsip 29-iannit maajip qulingat ilanngullugu tusarniutigineqarpoq. Tusarniaanermi allannguutissatut siunnersuutaasinnaasumik nassitsisoqanngilaq.
Nunap ilaani teknikkikkut sanaartorfiusinnaasumi inuussutissarsiornermut atugassatut toqqarneqarsimasumi anorisaatit marluk napparneqarnissaannut annikitsortai aamma ilanngullugit aalajangersakkat najoqqutassallu Kommunip pilersaarusiorfigineqarnerani tapiliussap aalajangersassavai.
Pilersaarut uani kommunip nittartagaani takuneqarsinnaavoq imaluunniit Kommune Kujalliup Teknikkimut Avatangiisinullu Ingerlatsiviup Pilersaarsiornermut immikkoortortaqarfianut saaffiginninnikkut tunniunneqarsinnaalluni.