Septemberip ulluisa 23-ianni KNR saqqummiivoq Kommune Kujallermi borgmesteri isumaqartoq Narsarsuarmi akunnittarfik kasinonngunngikkuni, matoqqasumik parnaarussivinngunngikkuni nunalerinermut ilinniarfinngortariaqartoq.
"Erseqqissassavara Narsarsuarmi akunnittarfiup kasinonngunngikkuni, matoqqasumik parnaarussivinngunngikkuni nunalerinermut ilinniarfinngortariaqarneranik borgmesteritut isumaqarnerarlunga tusagassiorfiit paasinninnerat paatsuuinermik tunngaveqarmat. Uanga borgmesteritut Kommune Kujallermi kommunalbestyrelsip aalajangigai ataqqilluinnarlugit malitassaraakka”, borgmester Kiista P. Isaksen oqarpoq.
Septemberip ulluisa 18-ianni 2019 Kommune Kujallermi kommunalbestyrelsi aalajangerpoq siunnersuutit saqqummiunneqartut siunnersortimit avataaneersumit, Namminersorlutik Oqartussanit akilerneqartumit ISG-millu qanimut suleqateqartumit suliarineqarnissaat siunertaralugu Inuussutissarsiornermut Suliffeqarnermullu Ataatsimiititaliap Innovation South Greenlandimik peqateqarluni inassuteqaatigisai akueriniarlugit. Narsarsuarmi mittarfimmi sulisoqarniarnikkut ajornartorsiutit maanna nalaanneqartalereersut Naalakkersuisunut aamma saqqummiunneqassapput. Naalakkersuisumik ataatsimeeqateqarnermi aqutsisoqatigiinniit nunaqarfiup aqutsisuisa siulittaasuat oqarasuaatikkut peqataassaaq.
Inuussutissarsiornermut Suliffeqarnermullu Ataatsimiititaliaq Innovation South Greenlandimik peqateqarluni nalunaarusiami kaammattuutit saniatigut kaammattuutinik makkuninnga saqqummiussaqarpoq:
1) Ukioq kaajallallugu niuernermik tunngaveqarluni nunanut allanut attaveqarnissaq Kommune Kujallermit piumasarineqarpoq.
2) Attaveqaatit aaqqiivigineqartariaqarput – nassiussat assigisaallu eqqarsaatigalugit.
3) Narsarsuarmimittarfiupminnerpaamikukiunitallimaniammatiinnarneqarnissaa
inassutigineqarpoq Qaqortumi mittarfiup atuutilerneqarnerata kingorna –
ikaarsaariarnertut aaqqiissutitut
4) Naalakkersuisut allaffigineqassasut piumaffigalugit amerikarmiunut
aatsiitassarsiorumaartunullu attaveqassasut paasiniarlugu Narsarsuarmi mittarfik qanoq pilersaaruteqarfigineraat eqqarsaasersuuteqarfigalugulu
5) KommuneKujalleqNarsarsuarmiinuussutissarsiornikkutperiarfissanik misissuilissasoq, tamatumanilu, Innovation South Greenland suliassamik tigusisussanngortinneqassasoq, aammalu ingerlatseqatigiiffiup suliassaq siunnersortimut avataaneersumut isumagisassanngortissagaa.
„Taamaammat qularutigineqassanngilaq kommunalbestyrelsip septemberip ulluisa 18-ianni 2019-mi aalajangigai tunngavigalugit Narsarsuup siunissaa pillugu sulineq ingerlaqqissammat“, borgmester Kiista P. Isaksen naggasiivoq.
Paasissutissat annertunerusut pissarsiarineqarsinnaapput borgmester Kiista P. Isaksen-imut saaffiginninnikkut, oqarasuaat angallattagaq 49 76 72.