Taamaammat pilersaarummi sumiiffiup ilaani E7-imi sanaartuinerup nalaani utaqqiisaagallartumik qaartiterutaasiveqarnissaq ilanngunneqarpoq, kommunimullu pilersaarummi nunap ilaa tamanna teknikkikkut atortunut atorneqarsinnaavoq, tamaanilu qaartuujasunik atortunillu assigiinngitsunik toqqorsiveqarnissamik periarfissaqarluni. Kommunimut ilassutitut pilersaarummi sanaartorfissat peqqissaartumik attuumassutilinnik peqqussutitallit aalajangersarneqassapput.
Kommunip pilersaarusiorfigineqarnerani tapiliussaq nr. 5 aqqutigalugu illuliornissaq sanaartornerlu periarfissaalissaaq, tamannalu akisussaassuseqartumik qaartiterutilerinermut tunngatillugu pisariaqarpoq. Isumannaallisaanissaq eqqarsaatigalugu pisariaqartitsineq naappertorlugu sumiiffimmi saviminernik qaartiterutissanut toqqorsivissanik nappaasoqarsinnaavoq aammalu qattuniliortoqarsinnaavoq qaarsunilluunniit qaartiternerlukunik inaaliisoqarsinnaalluni.
Kommune Kujalleq Kommunimut Pilersaarutaata 2017-28-ip Tapiata Normua 5