Teknikkimut Avatangiisinullu Ataatsimiititaliap septembarip 18-ianni 2019-imi angerlarsimaffinnit aamma inuussutissarsiortunit eqqakkat pillugit ileqqoreqqusanut siunnersuutit tamanut tusarniaassutigineqarnissaat akuersissutigaa. Ileqqoreqqusat taakku maannakkut angerlarsimaffinnit aamma inuussutissarsiortunit eqqakkat pillugit ileqqoreqqusanut novembarip 26-anni, 2014-imeersunut taartaassapput.
Ileqqoreqqusat Kommune Kujallermi innuttaasut suliffeqarfiillu eqqagalerinermi pisinnaatitaaffii pisussaaffiilu pillugit imaqarpoq.
Allannguutit malunnaateqarnerit Angerlarsimaffinni eqqagassat pillugit ileqqoreqqusani, makku erseqqissarneqarsinnaapput:
- Eqqagassaasiviit inissinneqarnissaat pillugu aalajangersimasunik piumasaqaateqartoqarpoq, soorlu: silissusii, qaammaqqusersorneri il.il. kiisalu illuni nutaani eqqagassaasivimmut aqqutit tummerartaqassanngitsut.
- Angerlarsimaffinniit eqqagassat amerlanerugaangata saniatigut igitassat pillugit aaqqissuussineq nutaaq ilanngunneqarpoq. Inoqutigiit eqqagassarpassuaqarpata Sullissivimmiit puussiarsisoqarsinnaavoq allassimasunik "Immikkut igitassat". Eqqagassalerisup puussiat taakku ilanngullugit tigussavai.
- Aasarsiortarfinni, illuaqqani alllanilu kommunimi illoqarfiit nunaqarfiillu iluini ittuni eqqagassat pillugit aaqqissuussinerit aalajangersimasut ilanngunneqarput.
- Eqqagassat annertuut kiisalu sanaartorfinniit eqqagassat pillugit aaqqissuussinerit aalajangersimasut ilanngunneqarput. Aaqqissuussinikkut aalajangerneqarpoq sanaartornermit eqqagassanik eqqagassanillu angisuunik, angisuunik igitsisanerit atuuttut avataaniittunik, igitsinermut innuttaasut akiliisassasut.
- Kommunip eqqagassalerivianut eqqakkat tunniunneqartut annertussusii pillugit sakkortusisanik nalinginnaasunik piumasaqaateqartoqarpoq.
- Qamutit motorillit angallatillu atorunnaartut pillugit immikkut aaqqissuussisoqarpoq immikkut akiliinertalinnik. Taakku kommunip eqqagassalerivianut iginnginnerini avatangiisitigut piareersarneqarnissaat annertusisamik piumasaqaateqarfiupput.
- Igalaamerngit qillertuusallu pillugit aaqqissuussinerit atuuttut pillugit annertusisanik piumasaqaateqarpoq, tassanilu illut namminerisat tamarmik immikkut akiliisinneqartalissapput aaqqissuussinermut kommunip aningaasartuutaanik matussutissanik.
Allannguutit malunnaateqarnerusut eqqarsaatigalugit, Inuussutissarsiortut eqqagassaataannut ileqqoreqqusani, makku erseqqissarneqarsinnaapput:
- Piumasarineqarpoq suliffeqarfiit kommunip nunaqarfiini aalajangersimasumik adresseqanngitsut, kommunip nunaqarfiini eqqagassanik pilersitsiviusumik suliaqartut, Kommunalbestyrelsimut nalunaarnissaminnik pisussaaffeqassasut eqqagassalerinermut akiliutit allallu akilersinniarneqartarnissaat siunertaralugu.
- Piumasarineqarpoq suliffeqarfiit nunanit allaneersut, Kalaallit Nunaanni aalajangersimasumik adresseqanngitsut, Kommune Kujallermi eqqagassanik pilersitsiviusumik suliaqartut,
- Kommunalbestyrelsimut nalunaarnissaminnik pisussaaffeqassasut eqqagassalerinermut akiliutit allallu akilersinniarneqartarnissaat siunertaralugu.
- Eqqagassaasiviit inissinneqarnissaat pillugu aalajangersimasunik piumasaqaateqartoqarpoq, soorlu: silissusii, qaammaqqusersorneri il.il. kiisalu illuni nutaani eqqagassaasivimmut aqqutit tummerartaqassanngitsut.
- Kommunip eqqagassalerivianut eqqakkat tunniunneqartut annertussusii pillugit nalinginnaasunik sakkortusisanik piumasaqaateqartoqarpoq.
- Qamutit motorillit angallatillu atorunnaartut pillugit aaqqissuussinerit aalajangersimasut ilanngunneqarput, taakkunuunalu kommunip eqqagassaleriviinut tunniunneqartigatik avatangiisit eqqarsaatigalugit piareersarneqarnissaannut annertusisanik piumasaqaateqarpoq.
Angerlarsimaffinnit aamma inuussutissarsiortunit eqqakkat pillugit ileqqoreqqusanut siunnersuummik tusarniaaneq sapaatit akunnerini arfinilinni, decembarip aappaaniit januaarip 13-iat 2020-ip tungaanut ingerlanneqassaaq. Piffissaq tusarniaaffiusussaq qaangiuppat oqaaseqaatit nassiunneqartut, Kommunalbestyrelsip ileqqoreqqusat pillugit ilusilersuinissamut eqqarsaatersorneranut ilanngunneqassapput. Tamatuma kinguneratigut angerlarsimaffinnit aamma inuussutissarsiortunit eqqakkat pillugit ileqqoreqqusat aalajangikkat kommunip nittartagaatigut saqqummiunneqassapput.
Matuma kingulianiittut linkit toorlugit siunnersuutit Angerlarsimaffinnit eqqakkat pillugit ileqqoreqqusat 2020, aamma siunnersuutit Inuussutissarsiortunit eqqakkat pillugit ileqqoreqqusat 2020 nuissapput.
Angerlarsimaffinnit eqqakkat pillugit ileqqoreqqusat 2020 – Una tooruk
Inuussutissarsiortunit eqqakkat pillugit ileqqoreqqusat 2020 – Una tooruk
Tusarniaanermut akissuteqaat piaarnerpaamik tunniunneqassaaq, kingusinnerpaamillu januaarip 13-ianni 2020-imi.
Kommune Kujalliup akissuteqarnissamut killeritinneqartup qaangiutinnginnerani akissuteqaammik tigusaqanngikkuni, ilimagissavaa nassiunneqartunut oqaaseqaateqartoqarnavianngitsoq.
Kommunimi ileqqoreqqusat Kommunalbestyrelsimit akuersissutigineqassapput.
Saqqummiunneqarfia: 02. decembari 2019
Tusarniaanermut piffissarititaq: 13. januar 2020
Tusarniaanermut akissuteqaatit uunga nassiunneqassapput: teknik@kujalleq.gl