Tage politikkikkut suliaqarnitsinni suleqatiginikuuara, takoqqaartalerneraniillu isummersornermik oqalunnissaminillu nuannarisaqarnera maluginiarsimavara.
Tage politiitut sulinermini nunatta sineriaani illoqarfinni assigiinngitsuni sulisarnermini ilisarisimannitserpassuaqarpoq, politikommissæriusimavoq aammalu politiit ittuattut sulisimalluni.
Qinikkatut sullilluarnissaminik pingaartitsisuuvoq, taamaakkami qinersisartunik tatigineqarluni nuannarineqarlunilu ukiorpassuarni Nanortalimmi borgmesteriusimavoq.
Nanortallip kommunerisimasaani 1975-miit 1985 tikillugu borgmesteriusimavoq.
Tagep takoqqaarnerani isummersornissaminik nuannarisaqarnera maluginiarsimasara utoqqaligaluarluni suli attakkaa februaarip qaammataani naapinnerani takuara, pisarnermisummi
Isummersorlunilu qungujutitsivoq. Taamaattuugami naapissallugu nuannertarpoq.
Tagep ukiorpassuarni sulerusussuseqarnermigut nunatsinnut inoqatiminullu tunniussimasai ataqqillugit qujaniarlutalu eqqaamassassaraagut.
Kommune Kujallermi kommunalbestyrelse sinnerlugu Tagep nulia qitornai qanigissaalu misiginneqatigingaarpakka.
Tagep eqqaaneqarnera ataqqinartuuli.
Kommune Kujallermi kommunalbestyrelse sinnerlugu,
Kiista P. Isaksen