airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqerivitoqaq nutaanngorlugu nappaqqinneqarpoq

Siorna januaarip qaammataani Qaqortumi meeqqerivik Angaju isaterlugu aallartinneqarpoq, maannalu meeqqerivitoqqap inigisaani meeqqerivissaq nutaaq napparneqarpoq.
12. juni 2020

Meeqqerivik nutaaq ullutsinnut naleqquttunngorlugu suliarineqartoq quleriinnik immikkoortoqarpoq, sisamanillu meeqqat eqimattanngorlutik inigisassaannik initaqarluni.

Meeqqerivissap nutaap februaarimi nappaanersiorneqarnissaa pilersaarutaasimagaluarpoq, nillerpallaarnerali pissutigalugu nappaanersiornissaq meeqqerivissap qallerneqarnissaanut kinguartinneqqarsimavoq.

Meeqqerivik Angaju nutaanngorluni napparneqaqqittoq tallimanngornermi juunip aqqaneq aappaanni nappaanersiorneqarpoq.

Pilersaarutaavoq meeqqeriviup nutaaliaasup ukiamut naammassineqarnissaa.