Qaqortumi qatserisartut affaasa missaat tunuarnerminnik nalunaaruteqarsimanerarlugit sisamanngornerup unnulernerani Kommune Kujalliup Facebookimi quppernermini nalunaarutigaa.
Maannali paasinarsivoq qatserisaratut arfineq marluk tunuarsimasut. Tuanuartoqaraluartorlu qatserisartut naammattut upalungaarsimanermut piareersimapput.
-Tunuartoqaraluartoq upalungaarsimaneq aarlerinanngilaq, qatserisartut naammattut piareeqqammata.
Qatserisartunik tunuartoqarneranik aallaaveqartumik Nanortalimmiit ikiortissamik tikisitsioqarpoq, Kommune Kujallermi upalungaarsimanermut pisortaagallartoq oqarpoq.
Qatserisartut arfineq-marluk tunuarnerat upalungaarsimanermut pisortassamik toqqaasoqarneranut akerliullutik tunuarniuteqarput, tamannalu Kommune Kujallermi upalungaarsimanermi pisortanngornisamut neqeroorfigineqartup aamma tunuassutigaa.
-Upalungaarsimanermut pisortassatut neqeroorfigineqartup tunuarnerani qanoq ingerlariaqqittoqarnissaa Teknikkikkut Avatangiisinullu Ataatsimiititaliap aalajangiiffigissavaa, matumanilu erseqqissaassutigeqqikkusuppara Qaqortumi upalungaarsimaneq ernumananngitsoq, soorlu tamanna Upalungaarsimanermut Ataatsimiititaliarsuup ullumi ataatsimiinnermi naqissuseraa, Peter Mathiassen naggasiivoq.