airplanebooksbriefcase business cogs cross election entertainment fish house law lockmedicalpeopleselfservices socialtax

qinersisoqarnissaanut qinersisinnaanerit

Kommuninut ulloq 6 april 2021-imi qinersisoqarnissaanut qinersisinnaanerit attatiinnarusuppiuk?
19. januar 2021

Kommuninut ulloq 6 april 2021-imi qinersisoqarnissaanut qinersisinnaanerit attatiinnarusuppiuk?  

Nunatsinni qinersisinnaatitaaneq

Kalaallit Nunaanni qinersisinnaatitaassagaanni nunatsinni najugaqartariaqarputit, sivikinnerpaamillu qaammatini arfinilinni najugaqareersimassallutit. Inatsisartunut qinersinermi piumasaqaataavoq danskisut innuttaassuseqarnissat. Piffissami sivikikkaluartumilluunniit nunani allani tassa Kalaallit Nunaata avataani nunassikkuit qinersisinnaatitaanerit annaassavat, qinersisinnaatitaasullu allattorsimaffianiit peerneqarlutit.

Inuit aalajangersimasut qinersisinnaanertik pigiinnarsinnaavaat

Ilinniartut, napparsimasut, folketingimi ilaasortat, Namminersorlutik Oqartussat aallartitaat (inuillu taakkununnga assersuunneqarsinnaasut), aappaat inooqataallu, inatsisartunut, kommunalbestyrelsinut, nunaqarfinni aqutsisunut aamma ilagiit sinniisaannut qinersisinnaanertik tigummiinnarsinnaavaat. Piumasaqaataavoq Kalaallit Nunaata avataani najugaqarallartuunissaq sivikinnerpaamillu katillugit ukiuni marlunni ataavartumik Kalaallit Nunaanni najugaqareersimanissat. Aamma piumasaqaataavoq nammineerlutit Kalaallit Nunaanni kommunerisanni inuit allattorsimaffianut nalunaarsorsimaffigisimasami qinersisinnaasut allassimaffiannut nalunaarnissat

Qinnuteqaammut immersuiffissaq

Ilanngunneqartoq "Inuit Kalaallit Nunaata avataaniikkallartunut qinersisussat allassimaffiannut ilanngunneqarnissaminnik qinnuteqarfissaat" immersussavat. Immersugassiaq https://naalakkersuisut.gl/kl-GL/Naalakkersuisut/Naalakkersuisoqarfiit/Naalakkersuisut-Siulittaasuata-Naalakkersuisoqarfia/Indenrigsafdelingen/Valg -imi aamma aaneqarsinnaavoq. Immersugassiaq Kalaallit Nunaanni kommunerisanni inuit allattorsimaffiannut kingullermik nalunaarneqarfigisimasannut nassiunneqassaaq.

Piffissaalluartillugu qinnuteqarit

Pingaaruteqarpoq qinnuteqaatit piffissaagallartillugu nassiutissagit, taamaaliornikkut Qinersinermi Siulersuisut piffissaagallartillugu qinnuteqaatit suliarisinnaavaat, taamalu qinersisinnaasut allassimaffiannut ilanngunneqarsinnaassallutit. Qinersisinnaasut allassimaffiannut ilanngunneqarneq ukiuni marlunni atuuffeqartarpoq.

Qinersisoqarfiutinnagu qinersigit

Ulloq qinersiffiusoq nallertinnagu qinersineq kommunalbestyrelsinut qinersinermi inatsimmi taaneqartarpoq allakka-tigut qinersineq, kisianni Inatsisartunut qinersinermi inatsimmi taaneqartarluni siusinaartumik qinersineq. Tamani pisortat allaffeqarfiinut saaffiginnissaatit. Danmarkimi Savalimmiunilu ulloq qinersiffiusoq nallertinnagu kommunip allaffianut saaffiginnissinnaavutit. Nunani allani qallunaat aallartitaqarfiini siusinaartumik qinersisinnaavutit. Pingaaruteqarpoq piffissaagallartillugit qinersinissat, taamaalilluni tigussaasumik qinersinerit qinersiffik nallertinnagu apuussinnaaqqullugu.

Immersugassaq: 

FORM 10 LKBM ansgningsskema KAL DK 20201228

Qinnuteqaat immersuriigaq nassiunneqassaaq kommune@kujalleq.gl