Kommune Kujallermi nunaqarfinni upalungaarsimanermut atortut
misissorneqaleruttorput. Misissuinermi upalungaarsimanermut pisortaq Asmus Hansen sulisunik allanik peqateqarluni misissueqataavoq.
-Qatserutaasiviup nuunneqarnissaanik qatserinermilu atortut aserfallassimasinnaanerannik
misissuivugut, atortut amigaataasut allattorpagut qatserisartullu
pikkorissarnerit suut pisariaqartinneraat paasiniaalluta, Asmus Hansen taama
oqarpoq.
Innuttaasut sisamararterutaat
qatserisartuupput
Assimi takuneqarsinnaasut Saarlumi qatserisartut : Dana Kanuthsen, Søren
Kanuthsen, Jens Poulsen, Otto Poulsen aammalu Johan Petrussen. Saarlumi
innuttaasut 21,7 procentii qatserisartuupput innuttaasut 23-usuni
tallimaallutik.
Qatserisartut arnartaat Dana Kanuthsen oqaluttuarpoq ukiuni kingullerni
marlunni qatserisartuunermini qatserinissamik pisariaqartitsisoqarsimanngitsoq
taamaattorlu sungiusarneq ingerlanneqartarnerarlugu.