Misissuinerup matuma siunertaraa suliffiup nuannarinerata kajumernartuuneratalu suli pitsaanerulersinnissaat, sulisullu suliffimminni sorpiaat naammaginartuutinnginneraat paaserusullugu.
Allaffissornermi sulisut atugarisaat pillugit misissuinermi Kommune Kujallermi illoqarfinni nunaqarfinnilu immikkoortortaqarfinni tamani sulisut tamarmik apeqqutinik nassiussuivigineqarput.
- Ennova aqqutigalugu tamanut apeqqutinik nassiussuinikuuvugut, tassuunalu immersuigunik allattup kinaassusaa allassimanavianngilaq. Taamaammat sumi sulisuugaluaraanni kinaassuseq takuneqarsinnaanngilaq, Akissarsianut sulisoqarnermullu pisortaq Jakob Abelsen oqarpoq.
Misisissuinermi apeqqutit akissutigineqartut immikkoortortani akisussaasut sakkussarilertussaassavaat.
- Akissutit amusarissap iluanut toqquinnarneqarnaviangillat, immikkoortortanimi aaqqiilluarnissaq siunertaralugu aqutsisut sulisumik pitsaasumik atugaqarnissaannut taakku sakkussarissavaat, Jakob Abelsen oqarpoq.
Allaffissornermi sulisut atugarisaannik misissuineq ulloq marsip 25-at ilanngullugu ingerlanneqassaaq.