airplanebooksbriefcase business cogs cross election entertainment fish house law lockmedicalpeopleselfservices socialtax

Kommunalbestyrelsimut qinersinermi inernerugallartut

Kommune Kujallermi qinersinermut siulersuisut qinersinermi inernerit akuerigallarpaat, taamaakkaluartorli qinigassanngortittut ilai amerlaqatigiinnik taaneqarmata sinniisussanngortussat makitsissutigineqartussanngorput.
12. april 2021
Kommune Kujallermi Kommunalbestyrelsinngortussatut taaguunneqarnerpaapput Inuit Ataqatigiit, taakku arfineq pingasunik isertitassaqarput. Tulliullutik arfinilinnik isertitassaqarlutik Siumut, kiisalu Atassummiit ataaseq kommunalbestyrelsimut isertitaqarluni. Taakku Kommune Kujallermi qinersinermi siulersuisut akuersaarallarpaat, pisarnerlu malillugu tamanut saqqummiunneqarneraniit sapaatip akunnera ataaseq innuttaasut naammagittaalliornissaminnut periarfissaqarlutik.
Qinigassanngortissimasut aammalu qinersisartut kikkulluunniit qinersinerup inernera pillugu allakkatigut tunngavilersukkamik naammagittaalliuuteqarsinnaatitaapput. Naammagittaalliuut ullormi qinersiviusumit kingusinnerpaamik ullut arfineq-marluk qaangiutsinnagit qinersivimmi qinersinermut aqutsisumut tunniunneqareersimassalluni.
Borgmesteri Siumumeersoq Kiista P. Isaksen 186-init taaguunneqarluni qinerneqaqqittoq, Inuit Ataqatigiinneersoq Stine Egede taaguunneqarnerulluni 410-nit qinerneqarpoq.

Makitsissutigineqartussat
Kommunalbestyrelsimut ilaasortanngortussat sinniisuutitassaat Inuit Ataqatigiinneersut Mouritz Karlsen aamma Marius Nielsen tamarmik amerlaqatigiinnik taaguunneqarput, taakkuli makitsissutigineqassapput.
Nunaqarfimmi aqutsisussanngortuni Siumumeersut Gerda Poulsen aamma Kristine Poulsen amerlaqatigiinnik taaguunneqarput, taakkulu aamma makitsissutigineqassallutik.
Nanortalimmi Ilagiit Sinniisaannut sinniisuutitassat marluk, Thora Andreassen aamma Jensine Enoksen tamarmik 58-inik taaguunneqarlutik qinigaapput, taakkulu aamma makitsissutigineqassapput.
Kommunalbestyrelsimut sinniisussanut, Nunaqarfinni Aqutsisunut aamma Ilagiit Sinniisaannut sinniisussanut makitsineq pissaaq ulloq apriilip 14-at 2021 nal.: 11:00 Qaqortumi Kommunip ataatsimiittarfiani. Inuit attaveqaqatigiittarfianni Facebookkikkut toqqaannartumik malinnaatitsisoqarumaarpoq, makitsissutigineqartussat oqarasuaatikkut facebookkikkulluunniit attavigineqarlutik peqataatinneqarumaarput.

Kiinnat nutaat
Kommunalbestyrelsinngortussat 15-it arfineq pingasunik nutaartaqarput, kiinnat nutaat arfinillit Inuit Ataqatigiinneersuupput tassaallutik, Angutitsiaq Isbosethsen, Henning Jensen, Bibi Kielsen, Pipaluk Larsen-Petersen, Piitaq Lund aamma Sofia Olesen marlullu Siumumeersut tassaapput, Karen Marie Kyed Frederiksen aamma Margrethe Thaarup Andersen.
Kommunalbestyrelsimut qinigaaqqittut arfineq-marluk tassaapput, Kim Ezekiassen (A), Stine Egede (IA), Naja Lund (IA), Kiista P. Isaksen (S), Anders Simon Olsen (S), aamma Simon Simonsen (S).
Allattorsimaffimmi ataaniittumi takuneqarsinnaapput kommunalbestyrelsimi nutaami ilaasortat sinniisussallu qassinit taaguunneqarsimaneri, taanna Valg.gl-imi tigusaavoq.
Nunaqarfinni Aqutsisussat aamma Ilagiit Sinniisaannut qinigassanngortittut ilanngullugit ataani takuneqarsinnaapput.
Kommune Kujallermi Kommunalbestyrelsinngortussatut taaguunneqarnerpaapput Inuit Ataqatigiit, taakku arfineq pingasunik isertitassaqarput. Tulliullutik arfinilinnik isertitassaqarlutik Siumut, kiisalu Atassummiit ataaseq kommunalbestyrelsimut isertitaqarluni. Taakku Kommune Kujallermi qinersinermi siulersuisut akuersaarallarpaat, pisarnerlu malillugu tamanut saqqummiunneqarneraniit sapaatsip akunnera ataaseq innuttaasut naammagittaalliorsinnaannerinik periarfissiissoqarluni.
Qinigassanngortissimasut aammalu qinersisartut kikkulluunniit qinersinerup inernera pillugu, allakkatigut tunngavilersukkamik naammagittaalliiuuteqarsinnaatitaapput. Naammagittaalliuut ullormi qinersiviusumit kingusinnerpaammik ullut arfineq-marluk, qinersivimmi qinersinermut aqutsisumut tunniunneqareersimassalluni.
Borgmesteri Siumumeersoq Kiista P. Isaksen 186-inik taaguunneqarluni qinerneqaqqittoq, Inuit Ataqatigiineersoq Stine Egede taaguunneqarnerulluni 410-nik qinerneqarpoq.
KommunalbestyrelseNutaat