Sisamanngorneq juulip aallaqqaataani kommunalbestyrelsip immikkut ataatsimiinnerani Tine Pars pisortaaninngortussatut akuersissutigineqarpoq.
Tine Pars Peqqissutsimut Naalaakkersuisoqarfimmi pisortaasoq augustip aallaqqaataaniit Kommune Kujallermi pisortaaninngortussanngortoq misilittagaqarluarluni atorfimmut ingittussanngorpoq.
Pisortaaninngortussaq 54-nik ukioqartoq ilisimatuutut allagartaqarpoq (Ph.d), nunatsinnilu Ilisimatusarfimmi 2009-miit 2017 tikillugu rektoritut atorfeqarnikuulluni.
Tine Parsip Kommune Kujallermi pisortaaninngornissaata tungaanut Max Heilmann Larsen pisortaanerugallassaaq.