Najukkani ataatsimiititaliat sulianik, najukkami najugaqartut, peqatigiiffiit, kommunimi politikerit oqartussaasullu suleqatigiinnerisigut najukkani innuttaasut taakkulu atugassatigut, kulturikkut oqartussaaqatigiinnermilu periarfissaasa naleqartitaasalu ataannarnissaat ineriartorteqqinnissaallu anguniarlugu ingerlanneqartunik siuarsaanermikkut najukkani oqartussaaqatigiinnermik nukittorsaassapput.
Innuttaasut tamarmik 18-leereersimasut, illoqarfimmi najugallit kommunalbestyrelsimullu qinersisinnaasut najukkami ataatsimiititaliamut qinigassanngortissinnaapput.
Najukkami ataatsimiititamut qinigassanngortikkusullutit kissaatigigukku taava kingusinnerpaamik augustip ulluisa 20-iani nal. 15:00 nalunaassaatit. Taamatut iliorsinnaavutit immersugassaq “qinigassanngortinnermut nalunaarfik” immersorlugu. Immersugassaq kommunip nittartagaani immersorneqarsinnaavoq, imaluunniit innuttaasunut sullissivimmut saaffiginninnikkut.
Annertunersumik paasisaqarusukkuit, najukkami ataatsimiititaliamut ataqatigiissaarisoq attavigisinnaavat, Kulturimut ingerlatsivimmi pisortaq:
Mikael Mansi Rasmussen tlf.: 645318 mail: mira@kujalleq.gl