Siulittaasup ilaasortaqatini peqatigalugit illoqarfimmi siuarsaaqataanissaq pingaarnertut suliassaraa, suliniutissanillu eqqarsaatersuuteqareerpoq.
-Qulliit qalipaatigissut Qaqortup napparsimmaviata ataani pilersinnissaat suliniutigerusuppakka, soorlu Nuummi Nuussuarmukaraanni aqqutaani qaqqani taamaaliorsimasut. Aamma inuussuttunut sikkilertarfiup piviusunngortissinnaanissaa sulissutigerusuppara, Minik Schmidt Qaqortumi Najukkami Ataatsimiititaliami siulittaasoq oqarpoq.
Illoqarfimmi pikialaartitsiniaraanni arlaatigulluuniit suliniuteqaraanni najukkami ataatsimiititaliaq aamma saaffigineqarsinnaavoq.
-Qaqortumi nammineq kajumissutsiminnik suliaqarusuttut, arlaannik takutitserusuttut ajunngitsuliorusuttullu atortussaannik amigaataannilluunniit tapiinissatsinnut ammavugut Minik Schmidt oqarpoq.
Najukkami Ataatsimiititaliami ilaasortat allat anguniagaqarlutillu suliniutaasinnaasunik siunnersuuteqartassasut siulittaasup ilanngullugu oqaatigaa.
Qaqortumi najukkami ataatsimiititaliami ilaasortat tassaapput: Minik Schmidt, Jonathan Isbosethsen, Henrik Hans Ottosen, Lars-Ole Knudsen aamma Mike Kleist Andersen.