Nanortallip Atuarfiani angajullerni atuartut 9.a aamma S3 tammaarsimaarnerminni qassutinik ningitsillutik kapisilinniarput, pisatillu namminneq tisallugillu tarajorterpaat.
Nanortallip Atuarfia innuttaasunut tamanut ammasumik atuartut suliaannik sanaavinillu upernaakkut tuniniaasarpoq, kapisilinnillu suliaqarsimasut upernaamut akiginiagassaqalerput.
-Nukappiaqqat qassutit namminneq siaarlugit suliarisarpaat, ilinniartinneqarput qanoq ajunnginnerpaamik qassutiniit tiguneqassanersut qanorlu ammartissaneraat. Niviarsiarartaat tisasarput, soorunami misileerusuttut tamarmik misilikkusutaminnik misiliipput nuannisaqalutillu, taavalu upernaamut illu ammasornermi piliat akiginiassavarput, Paliia Hansen Nanortallip Atuarfiani ilinniartitsisoq oqaluttuarpoq.
Nanortallip Atuarfiani nukarlerni atuartut 2.a-t tammaarsimaanermi tiiliassaminnik katersipput, atuartullu nammineerlutik naasut katersatik panerteriarlugit angerlaatissavaat.
Nanortallip Atuarfiani angajoqqaat sinniisaat siunnersuuteqarnikuupput, kippartarneq pilisarnerlu kulturi tammatsaaliorniarlugu sammineqartassasut. Kingorna ilinniartitsisut peqatigalugit pilinermik taaguuserlugu atuartitsisarneq ilinniartitsinerlu sammineqartalerput.