Itilliarsummi ikerasaliorluni pilersitsiniarnermik oqallinneq siuisinnerusukkut Inatsisartuni pisarsimagaluartoq ilaatigut qinersisoqartussanngorneranik maanngaannarsimasoq, Anders Olsenip (S) siusinnerusukkut siunnersuutaareersimasumik qaqitseqqinneratigut sisamanngornermi oktobarip 21-ianni siunnersuut Inatsisartuni ataatsimiissutaasussanngorpoq.
-Nuannaarutigaara siusinnerusukkut siunnersuutigisimasama maanngaannarsimasulli qaqeqqinneqarluni Inatsisartuni oqaluuserineqartussanngornera. Itiliarsuk ukiorpassuarni pilersinniarlugu suliniutit oqallinnerillu ingerlareerput. Maanna piffissanng-orpoq suliap naammassillugu piviusunngortinneqarnissaa, borgmester Stine Egede oqarpoq.
Itilliarsummi ikerasaliortoqarnissaanut misissuinermi Orbicon Arctic A/S-ip ikerasaliorfissaq
40,4 meterisut silissuseqartussatut taggissimasaa 50 mio. koruuninik akeqartussatut saqqummi-unneqarsimasoq malinngikkaluarlugu silissutsimigut minnerusumik aningaasartuutikinnerusumillu suliaqartoqarsinnaasoq kommune Kujallermi borgmesteri isumaqarpoq.
-Orbicon Arctic A/S-ip suliaqarnermini missingiussaatut silitsigisariaqanngitsoq isumaqarpunga,
Targanutanginernutpolitiillu angallataannuut naammakkuniannerpaamik8-10 meterisut silissuseqarnissaa naammaqaaq, aningaasartuutissallu 13-15 mio. missaaniinnissaat ilimanarnerupput. Isumannaallisaaneq eqqarsaatigalugu isaariaanni illuttut aaliangersimasumik sukkassusiliinissamik takussutissianik pilerneqarsinnaavoq. Maanna sikussaarnikuugatta ukioq kaajallallugu atorsinnaasuussaaq, Stine Egede nassuiaavoq.
Itilliarsuk sipineqarluni ikerasaliorfigineqarpat qaartiterinermi ujaqqat piiarneqartut kujataani atorluarneqassapput.
-Ujaqqat qaartiterinermi piiarneqartut Kummune Kujallermi atorluarneqarlutik sissiugaliassatut atorneqarsinnaapput, sissiukkammi iluarsagassat tallisariaqartullu arlaqarput, Stine Egede oqarpoq nangillunilu.
-Neriuppunga Inatsisartut ukiormanna suliaq naammassillugu suliarissagaat. Nunatta kujataani, pingaartumik sikorsuit nalaani, ukiukkullu imarlukkajoqisumi, angallannernut isumannaallisaaneq eqqarsaatigalugu iluaqutaalluartussaammat. Aammattaaq peqqinnissaqarfimmi politiinilu angalariataartariaqarnermi piffissamik sipaarfiusussaammat.