Nanortallip kommunerisimasaata ilisarnaataa 2008-mi Nanortalimmi kommunalbestyrelsip Nanortallip Katersugaasivianut ilaasarnaatissatut tunissutigaa.
Ukiullu 13-it qaangiunneranni Qaqortup aamma Narsap katersugaasivii kommunit ilisarnaatitoqaannik ilisarnaatitaarnissamik qinnuteqarput.
-Qaqortumi Narsamilu katersugaasiviit kommuniusimasut ilisarnaatitoqaannik ilisarnaateqarusunnerminnik qinnuteqarnerat kommunalbestyrelsip septemberip naalernerani ataatsimiinnermini akuersissutigaa, taamaalillunilu ilisarnaatitoqqat Katersugaasivinni ilisarnaatinngortinneqarnissaat patent – og varemærkestyrelsimut qinnutigineqarsinnaanngorput, Kulturimut, Sunngiffimmut Pitsaaliuinermullu ingerlatsivimmi pisortaq Mikael Mansi Rasmussen nassuiaavoq.
Siunnersuut akuerineqartoq annerusumik aningaasartuutissaqanngilaq, aningaasartuuteqartoqassappallu Nanortalimmi katersugaasiviup aningaasartuutigisartagaasut atuisoqassaaq, tassa ukiut qulikkaarlugit patent- og varemærkestyrelsimut piginnittuunermut uppernarsaatip nutartertarneranut akiliut akilerneqartassaaq.