Meeqqerivik Narsarsarmiutap nalliuttorsiorneranut atatillugu atuisut immikkullu qaaqqusat nerersuaaqatigiissapput, nalliuttorsiornerlu sapaatip akunnerani meeqqanut malunnartinneqassaaq.
-Ukiunik 50-inik nalliuttorsiornissatsinnut sulisut meeqqallu piareesaateqarnikuuvugut, nalliuttorsiornerup atuisuniit immikkullu qaaqqusanut malunnartinnissaa siunertaralugu, tungaanullu nalliuttorsiornissamut qilanaarnikooqaagut,Narsarmiutap pisortaaMarianne Nielsen oqarpoq.
Ukiunik 50-inik nalliuttorsiornermi sapaatip akunnerata ingerlanerani ilaatigut meeqqat timersortarfimmi unammiuaartinneqassapput, qaaqqusanut erinarsoqatigiinnertalimmik kaffillissapput, qititsinneqassallutillu.