Sisamanngornermi novembarip ulluisa 18-anni Tasiusap atuarfiani ataqqinaammik nersornaasiisoqarpoq.
Karta Korneliussen qatserisartutut ukiuni 20-ini sulisimasutut, justitministerip sulilluarsimasutut uppernarsaassiuttagaannik nersornaaserneqarnerani qatserisartut saqqarmiuliuttagaannik allagartassaannillu tunineqarpoq.
Tasiusami qatserisartoq Ferdinand Semsen ukiuni 25-ni qatserisartutut sulisimasutut illersornissamut ministereqarfik sinnerlugu, upalungaarsimanermut pisortaqarfiup akuersineratigut ataqqinartorsuup Dronning Margrethe aappaata nersornaasiinermi tunniunniuttagaannik saqqarmiumik sølviusumik, allagartamillu tunineqarpoq.
- Tanngassimaarutissatut tigusariaanngilaq, maniguuttutut ataqqinartutullu taasariaavoq. Qatserisartunngoqqaarama qatserisartoqatikka peerutereernikut eqqaamanaqaat, misigisaq pikkunaqaaq tuppallernarlunilu, Ferdinand Semsen oqarpoq.
Nersornaasiinermi kommunalbestyrelsimi ilaasortaq Kim Ezekiassen aamma Nanortalimmi Tasiusamilu qatserisartut pisortaa Peter Mathiassen tunniussisuullutillu oqalugiartuupput.