Inuussutissarsiutinik ingerlataqartut kommunillu akunnerminni suleqatigiinnerunissaannik allaaveqartumik Hotel Qaqortumi naapeqatigiittoqarpoq.
Naapeqatigiinnerup siunertaraa inuussutissarsiutinik ingerlataqartut suliffissaqartitsisullu, Kommune Kujallermi suliffissaqartitsiniarnermi iliuusissatut periusissiornissaanut immersueqataanissaat.
- Kommune inuussutissarsiutinillu ingerlataqartut oqaloqatigiilluarnissaannik isummersoqatigiittoqarnissaanillu naapeqatigiinnerup imaqarnissaa qularnanngilaq, nuannaarutigeqaaralu isumasioqatigiinneq aaqqissuussarput inuussutissarsiutinik suliaqartunit peqataalluarfigineqarnera, Qaqortumi Majoriami aqutsisoq Poul H. Jørgensen oqarpoq.
Isumasioqatigiinneq Hotel Qaqortumi ingerlanneqartoq Narsamiit Nanortalimmiillu attaveqaatit atorlugit peqataaffigineqarpoq.