airplanebooksbriefcase business cogs cross election entertainment fish house law lockmedicalpeopleselfservices socialtax

Asfalti nutaaq Nanortalimmi aqqusinerni qalliutigineqartussanngorpoq

Nanortalimmi aqqusernit asfaltimik qallersorneqarnissaannut asfalti 500 tonsi atorneqassaaq.
9. juni 2022

Siorna Qaqortumi asfaltiterineq ingerlanneqareerpoq, ukioq mannalu Nanortalimmi asfaltiterinissamut piareersarneq aallartereerpoq.

-Nanortalimmi asfaltiterinissamut piareersarneq aallartereerpoq, pilersaarutillu malillugit junip naalernerani aqqusinermi qallersuineq aallartissaaq, Teknikkimut avatangiisinullu ingerlatsivimmi ingerlatsinermut pisortaq Pâlo O. Kuitse oqarpoq.

Nanortalimmi aqqusernit ukiuni tulliutuni suliaqarfigineqartussat asfalterneqassanngillat.

 

-Nukissiorfiit ukiuni tullliuttuni tallimani Nanortalimmi erngup aqqutaanik pilersitsinissamik nutarterinissamillu pilersaaruteqarput, matumanilu aqquserngit assaaffigineqartussaanngitsut ukioq manna asfaltiterneqassapput, Pâlo O. Kuitse oqarpoq.

Pilersaarutaavoq aappaagu Narsami asfalterisoqarnissaa.